بۇل تۋرالى شىمكەنت قالاسى اكىمىنىڭ ورىنباسارى باۋىرجان مامىتاليەۆ ينستاگرام پاراقشاسىندا ايتىپ ءوتتى.
«شىمكەنت زووباعى كەلۋشىلەر ءۇشىن ازىرگە جابىق. بىراق بۇل – زوولوگيالىق باق جۇمىس ىستەمەيدى دەگەن ءسوز ەمەس. وندا جوندەۋ جۇمىستارى تولىعىمەن جۇرگىزىلۋدە. زووباق باسشىلىعى, مەردىگەر مەكەمە جانە جوبالاۋشى وكىلدەرىمەن وتكەن كوشپەلى وتىرىستا جۇمىستاردىڭ بارىسىن تالقىلادىق. زوولوگيالىق پاركتىڭ 63 پاۆيلونى قايتا جاڭارتىلىپ جاتىر. ولاردىڭ ءاربىرى جانۋارلارعا بارىنشا جاقسى جاعداي جاقسارتۋ ماقساتىندا جابدىقتالادى», دەيدى قالا اكىمىنىڭ ورىنباسارى.
زووباقتا جوندەۋ جۇمىستارى بىرنەشە كەزەڭ بويىنشا جۇزەگە اسىرىلۋدا. تارقاتىپ ايتار بولساق, 2015 جىلى 10 پاۆيلون, 2018 جىلى 9 پاۆيلون جوندەۋدەن وتكەن.
«مەردىگەر مەكەمە «MabexTrade Ltd» جشس-ءىنىڭ جۇمىسىنا ەسكەرتپەلەر بەرىلدى. ولاردى ءبىر اي ىشىندە رەتكە كەلتىرۋدى تاپسىردىم. «ارالاس پاۆيلون» مەن «ازيا» پاۆيلونىن قايتا قۇرۋ قاراستىرىلعان. جوبا بويىنشا جۇمىستار اعىمداعى جىلدىڭ سوڭىنا دەيىن اياقتالۋى ءتيىس. مەردىگەر مەكەمەلەردەن قۇرىلىس مەرزىمىن ساقتاۋدى تالاپ ەتتىم. «وڭتۇستىك جانە سولتۇستىك» كونتينەنتتەردىڭ 27 پاۆيلونىن جوندەۋ جوسپارلانۋدا. «كورپوراتسيا بەرەكە» جشس-مەن جوبانى جاقسارتۋعا باعىتتالعان وزگەرىستەردى تالقىلادىق», دەپ اتاپ ءوتتى ب.مامىتاليەۆ.