«قارۋ» جەدەل-پروفيلاكتيكالىق ءىس-شاراسى اياسىندا تۇركىستان وبلىسى پد اكىمشىلىك پوليتسيا قىزمەتكەرلەرى زاڭسىز ساقتالعان 27 قارۋ مەن 186 اكىمشىلىك قۇقىق بۇزۋشىلىقتى انىقتادى, – دەپ حابارلايدى Polisia.kz.
اتالعان ءىس-شارانىڭ نەگىزگى ماقساتى اتىس قارۋىن قولدانۋمەن بايلانىستى قىلمىستاردى اشۋ, الدىن الۋ, جولىن كەسۋ, وق-دارىلەردى جانە جارىلعىش زاتتاردى زاڭسىز ساقتاۋمەن, دايىنداۋمەن اينالىساتىن ادامدار مەن ۇيىمداسقان قىلمىستىق توپتاردى انىقتاۋ, سونداي-اق قارۋ, وق-دارىلەردى جانە باسقا دا قۇقىق بۇزۋشىلىقتاردى زاڭسىز ساقتاۋ جانە ساتۋ دەرەكتەرىن انىقتاۋ بولىپ تابىلادى.
«قارۋ» جەدەل-پروفيلاكتيكالىق ءىس-شاراسىنىڭ قورىتىندىسىنا سايكەس ءتارتىپ ساقشىلارى تىركەلمەگەن 27 قارۋ, ونىڭ ىشىندە 18 اڭشىلىق مىلتىعى, ءبىر تراۆماتيكالىق جانە ءبىر گازدى تاپانشا الىندى. جەتى اڭشىلىق مىلتىعىن تۇرعىندار ەرىكتى تۇردە تاپسىرعان.