پرەمەر-مينيستر اسقار ءماميننىڭ توراعالىعىمەن وتكەن ۇكىمەتتىڭ سەلەكتورلىق وتىرىسىندا كوكتەمگى ەگىس جۇمىستارىن وتكىزۋ بارىسى قارالدى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.
اۋىل شارۋاشىلىعى ءمينيسترى ساپارحان وماروۆ, ەنەرگەتيكا ءمينيسترى نۇرلان نوعاەۆ, تۇركىستان وبلىسىنىڭ اكىمى ومىرزاق شوكەەۆ, قوستاناي وبلىسىنىڭ اكىمى ارحيمەد مۇحامبەتوۆ جانە سولتۇستىك قازاقستان وبلىسىنىڭ اكىمى قۇمار اقساقالوۆ بايانداما جاسادى.
2020 جىلى اۋىل شارۋاشىلىعى داقىلدارىن 22,5 ملن گا الاڭعا ەگۋ جوسپارلانعان. بۇل رەتتە ءداندى جانە ءداندى-بۇرشاقتى داقىلدار الاڭى 15,2 ملن گا, ونىڭ ىشىندە بيداي الاڭى 11,4 ملن گا قۇرايدى. مايلى داقىلداردىڭ بولجامدى الاڭى 3 ملن گا, كوكونىس-باقشا داقىلدارى مەن كارتوپ الاڭى 471,7 مىڭ گا, ازىقتىق داقىلدار الاڭى 3,7 ملن گا, تەحنيكالىق داقىلدار 132,5 مىڭ گا قۇرايدى.
اۋىل شارۋاشىلىعى داقىلدارى رەسپۋبليكانىڭ بارلىق وڭىرلەرىندە ەگىلىپ جاتىر. قازىرگى ۋاقىتتا ءداندى جانە ءداندى-بۇرشاقتى داقىلدار 9,6 ملن گا نەمەسە جوسپاردىڭ – 65%, مايلى داقىلدار – 2,3 ملن گا (76%), كوكونىس-باقشا داقىلدارى مەن كارتوپ – 400 مىڭ گا (85%), قانت قىزىلشاسى – 20,5 مىڭ گا (93%), ماقتا – 118 مىڭ گا (100%), كوپجىلدىق شوپتەر – 352 مىڭ گا (100%) ەگىلدى. وڭتۇستىكتەگى وبلىستاردا, سونداي-اق اقتوبە جانە اتىراۋ وبلىستارىندا ەگىس جۇمىستارى اياقتالۋعا تاياپ قالدى. بيىل جاقسى ءونىم الۋ ءۇشىن قولايلى اۋا رايى بولادى دەپ بولجانۋدا.
«بىرىككەن ۇلتتار ۇيىمىنىڭ جانىنداعى ازىق-ت ۇلىك جانە اۋىل شارۋاشىلىعى ۇيىمى – FAO بولجامى بويىنشا قازاقستان اگروونەركاسىپتىك كەشەن سالاسىنداعى الەۋەتى جوعارى اقش, اۆستراليا, برازيليا جانە ارگەنتينا مەملەكەتتەرىنىڭ قاتارىندا جانە الەمدىك ازىق-ت ۇلىك حابىنا اينالۋىنا ناقتى مۇمكىندىگى بار», — دەدى ا. مامين.
پرەمەر-مينيستر اۋىل شارۋاشىلىعى ءوندىرىسىنىڭ قارقىنىن ۇلعايتۋ اياسىندا ساپالى ءارى قولجەتىمدى شيكىزات بازاسىن ءوسىرۋ, ونىمدىلىكتى جوعارىلاتۋ, جوعارى ءبولىنىس ونىمدەرىنىڭ وندىرىسىنە جەدەل كوشۋ بويىنشا شارالاردى قابىلداۋدى تاپسىردى.
ۇكىمەت باسشىسى العا قويعان مىندەتتەردىڭ ورىندالۋىنا تۇركىستان وبلىسىن مىسال رەتىندە كەلتىردى, وندا 4 جىل ىشىندە اۋىل شارۋاشىلىعى ءوندىرىسىن 3 ەسەگە ارتتىرۋ بويىنشا كەشەندى جوسپار بار.
مەملەكەتتىك قولداۋ اياسىندا زاماناۋي سۋارۋ تەحنولوگيالارىن پايدالانا وتىرىپ, ءىرى جانە ورتا اۋىل شارۋاشىلىعى قۇرىلىمدارىنىڭ سۋارمالى ۋچاسكەلەرىن كەڭەيتۋگە, ەگىن كولەمىن ۇلعايتۋعا ەرەكشە نازار اۋدارىلادى. بۇل دايىن ءونىم وندىرەتىن وندىرىستەردى دامىتۋعا مۋلتيپليكاتيۆتى اسەر بەرەدى.
پرەمەر-مينيستر اۋىل شارۋاشىلىعى مينيسترلىگىنە اكىمدىكتەرمەن بىرگە ءار ءوڭىر بويىنشا اۋىل شارۋاشىلىعى سالاسىنىڭ ەرەكشەلىگىن ەسكەرىپ, اگروونەركاسىپ كەشەنىن دامىتۋدىڭ كەشەندى باعدارلاماسىنىڭ جاڭا تۇجىرىمداماسىن ازىرلەۋدى تاپسىردى.