بۇل تۋرالى بعم ءباسپاسوز قىزمەتى حابارلادى.
1-11-سىنىپتارعا ارنالعان تەلەساباقتار ءتۇسىرىلىمى 23 ناۋرىز كۇنى باستالدى. 6 ساۋىردەن باستاپ ولار «Balapan» جانە «EL ARNA» تەلەارنالارى ارقىلى كورسەتىلە باستادى. سونىمەن قاتار, ساباقتار اتالعان ارنالاردىڭ سايتتارى ارقىلى تىكەلەي ترانسلياتسيادا كورسەتىلىپ, راديو ارقىلى تاراتىلدى جانە جەرگىلىكتى تەلەارنالار ارقىلى رەترانسلياتسيالاندى.
«Online Mektep» جوباسى اياسىندا 42 ءپان بويىنشا 3 مىڭنان استام ساباق ازىرلەندى.ءار بەينەساباق ءۇشىن 7 500 جاتتىعۋ, 12 500 تەستتىك سۇراقتار دايىندالدى, 100-دەن استام انيماتسيالىق بەينەروليكتەر كورسەتىلدى.
جوباعا نۇر-سۇلتان قالاسىنىڭ 160 مۇعالىمى, «Bilim Media Group» كومپانياسىنىڭ 111 قىزمەتكەرى, 40-تان استام ادىسكەر قاتىستى.9 ءتۇسىرىلىم ستۋدياسى, 20 مونتاجداۋ ستانتسياسى جۇمىس ىستەدى.ءتۇسىرىلىم ەكى اي بويى دەمالىسسىز ساعات 9:00-دەن 20:00-گە دەيىن جۇرگىزىلدى. جۇمىس بارىسىندا سانيتارلىق-گيگيەنالىق قاۋىپسىزدىك شارالارى قاتاڭ قاداعالاندى.