بۇگىن تاڭعى ساعات 5 شاماسىندا الماتى وبلىسىنىڭ قاراساي اۋدانىنا قاراستى كوكساي شاعىن اۋدانىنىڭ اۋماعىندا كولىك اپاتى بولىپ, قاپەلىمدە ەكى ءتارتىپ ساقشىسى ءتىل تارتپاي كەتتى.
وقيعا قالا شەكاراسىنداعى توسقاۋىل بەكەتىندە بولعان. قاتتى جىلدامدىقپەن كەلگەن «بمۆ» اۆتوكولىگىنىڭ جۇرگىزۋشىسى جول بويىنداعى بەتون قابىرعاعا سوعىلىپ, بەكەتتە كەزەكشىلىك اتقارىپ تۇرعان پوليتسيا كولىگىنە بارىپ تۇيىسكەن. كولىكتە ەكى ءتارتىپ ساقشىسى بولعان ەكەن. توسىن سوققىدان پوليتسيا لەيتەناتى, 42 جاستاعى ج.جانعازيەۆ ەسىن جيماعان كۇيى قايتىس بولسا, اۋىر جاعدايدا اۋرۋحاناعا جەتكىزىلگەن ەكىنشى ءتارتىپ ساقشىسى دا جاراقات سالدارىنان قايتىس بولدى.
ادام ولىمىنە اپارىپ سوققان وقيعاعا وراي الماتى قالاسىنىڭ پوليتسياسى قىلمىستىق ءىس قوزعاپ, «بمۆ» اۆتوكولىگىنىڭ 1992 جىلى تۋعان جۇرگىزۋشىسىن تۇتقىنعا الدى. ول الماتى وبلىسى, قاراساي اۋدانىنىڭ تۇرعىنى بولۋى مۇمكىن. تەرگەۋ ءجۇرىپ جاتىر.
الماتى وبلىسى