قىزىلوردا وبلىسى ارال اۋدانىنداعى اقباي اۋىلى الىس-جاقىنعا قاربىز-قاۋىنىمەن تانىمال ەلدىمەكەن. سوڭعى جىلدارى اۋىلدا الما باق تا پايدا بولدى. اۋدان اكىمى مۇحتار ورازباەۆ ديقاندار اۋىلىندا بولىپ, شارۋالارمەن تىلدەسىپ, ەڭبەكقور جانداردىڭ باستامالارىنا بەرەكە تىلەدى.
سەگىز گەكتار اۋماققا پلەنكا استىنا قاۋىن-قاربىز ەككەن جاڭاباي جولمىرزاەۆ بۇل ءادىس جاڭا ءوسىپ كەلە جاتقان وسكىندەرگە جان بەرەتىنىن ايتادى. اۋدان اكىمى بۇل باستاماعا وڭ باعاسىن بەرىپ, ءتيىمدى ۇسىنىستاردى قولداۋعا ءازىر ەكەندىگىن ءبىلدىردى.
اۋدان باسشىسى وسىدان بىرنەشە جىل بۇرىن الما ءوسىرۋدى قولعا العان جەكە كاسىپكەر سانات نۇرمانوۆتىڭ الما باعىندا بولدى. كاسىپكەر 5 گەكتار جەرگە گولدەن دەليشەس جانە رەنەت سيميرەنكو اتتى ەليتالىق تۇقىمنان 3350 ءتۇپ الما كوشەتىن ەگىپتى.
اۋدان باسشىسى الداعى ۋاقىتتا الما ءوندىرىسىن اقبايلىق برەندكە اينالدىرساق دەگەن ۇسىنىس ايتتى. كەرەك كاسىپتى قولعا العان شارۋاعا ساتتىلىك تىلەپ, جەرگىلىكتى اكىمدىك تاراپىنان قاجەتتى قولداۋ جاسالاتىنىن جەتكىزدى.