ءتورت ت ۇلىكتىڭ جول بويىندا قاراۋسىز جايىلۋى كولىك قوزعالىسىنا كەدەرگى كەلتىرەتىنى از ايتىلىپ جۇرگەن جوق. اسىرەسە, تۇندە جولعا شىعىپ كەتكەن مال تالاي جول-كولىك وقيعاسىن تۋدىرىپ وتىرعانى دا بەلگىلى.
وتكەن جىلدىڭ وزىندە رەسپۋبليكالىق ماڭىزى بار «شىمكەنت-سامارا» اۆتوموبيل جولىنىڭ بويىندا مال قاعۋدىڭ 8 دەرەگى ورىن الىپ, ونىڭ سالدارىنان 2 ادام قازا بولىپ, 13 ادام ءتۇرلى دەنە جاراقاتتارىن العان.
وسىدان دا پوليتسيا دەپارتامەنتىنىڭ قىزمەتكەرلەرى تۇرعىندار اراسىندا تۇسىندىرمە جۇمىستارىن جۇرگىزىپ, مالعا كولىك جارىعىمەن شاعىلىسىپ, الىستان كورىنەتىن تاسپالار بايلاۋ جونىندە ۇسىنىس جاساۋدا. بۇل جول بويىنداعى اۆتو اپاتتاردىڭ ازايۋىنا سەپتىگىن تيگىزەدى.
پوليتسيا دەپارتامەنتى قىزمەتكەرلەرى كۇرە جولمەن مال ايداعاندارعا قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 615 - بابىنا سايكەس اكىمشىلىك شارا قاراستىرىلاتىنىن دا ەسكەرتتى.
قىزىلوردا وبلىسى