كوكشەتاۋداعى «تسەنترالنىي» شاعىن اۋدانىنىڭ تۇرعىندارى بىرنەشە كۇن قاتارىنان كوگىلدىر وتىنسىز وتىر.
تۇرعىنداردىڭ ايتۋىنا قاراعاندا, گازدان يىستەنۋ قاۋپى دە بار ەكەن. ءتيىستى ورىندارعا حابارلاسىپ, شاعىمدارىن ايتقانىمەن, ول تاراپتان ازىرگە كومەك جوق.
– ءبىز قوڭىراۋ شالساق, كولىگىمىز جوق دەگەن سىلتاۋ ايتادى. سونىڭ سالدارىنان 2-3 كۇن بويى گازسىز وتىرمىز, – دەيدى شاعىن اۋدان تۇرعىنى عايشا ءابدىراحمانوۆا.
ءبىز دە وسى ۇيگە قىزمەت كورسەتەتىن گاز قىزمەتىنىڭ ماماندارىمەن حابارلاسىپ كوردىك.
– بۇل ۇيدە تەك 22 پاتەر گازعا قوسىلعان. جالپى, گاز قۇبىرلارىن وتكىزۋ كەزىندە, ودان باس تارتقاندار بولدى. بۇل جەلىلەردىڭ ءبارىن ءبىز رەتكە كەلتىردىك, قىسىمىن دۇرىستادىق. ءيا, گازدىڭ سىرتقا شىعۋ دەرەگىن جوققا شىعارا المايمىز. كەلىپ جوندەپ بەرەمىز, – دەيدى اپات قىزمەتىنىڭ جەتەكشىسى بوريس كوپانيتسا.
گاز قىزمەتىنىڭ ماماندارى جاقىن ارادا گازدىڭ سىرتقا شىعۋ ماسەلەسىن شەشەمىز دەپ ۋادەلەرىن بەردى.