الماتى قالاسىنىڭ اكىمى باقىتجان ساعىنتاەۆ جەتىسۋ اۋدانىنداعى جوبالار ۇلگىسىندە «جۇمىسپەن قامتۋدىڭ جول كارتاسى» باعدارلاماسىنىڭ ىسكە اسىرىلۋ بارىسىمەن تانىستى.
وندا شاعىناۋدانداعى سكۆەرلەر, ياعني, «كوكجيەك» ىقشام اۋدانىنداعى №52 ءۇيدىڭ بويىن, «كوكمايسا» ىقشاماۋدانىنداعى سولتۇستىك اينالما جولى كوشەسى مەن سەرىكوۆ كوشەلەرىنىڭ, سونداي-اق, № 169 جانە № 171 بالاباقشالارداعى جوندەۋ جۇمىستارىنىڭ جوبالارى قارالدى.
سونىمەن قاتار, جەتىسۋ اۋدانىندا «ججك» جۇزەگە اسىرۋ جۇمىستارى 6 بالاباقشا, 33 اۋلانىڭ درەناج جۇيەسىن, 40 اۋلا اۋماعىن جانە 12 جەرۇستى جاياۋ جۇرگىنشىلەر وتكەلىن, ارىق جەلىسىن جوندەۋ, سونداي-اق اسكەري كوميتەت عيماراتىن جوندەۋ جوبالارىن قامتيدى. بۇدان باسقا, جەرگىلىكتى بيۋدجەت اياسىندا قازىباەۆ كوشەسىندەگى جاياۋ جۇرگىنشىلەر ايماعىن, 50 اۋلا اۋماعىن جانە 9 سكۆەردى جوندەۋ جۇمىستارى باستالدى.
اعىمداعى جىلى اۋداندا «جۇمىسپەن قامتۋدىڭ جول كارتاسى» باعدارلاماسى بويىنشا 10 جوبا قولعا الىنىپ, 741 ادام جۇمىسقا ورنالاساتىن بولادى. ودان بولەك تاعى 11 جوبا جەرگىلىكتى بيۋدجەت اياسىندا جۇزەگە اسىرىلماق.
ب. ساعىنتاەۆ «جۇمىسپەن قامتۋدىڭ جول كارتاسى» باعدارلاماسى جۇمىسسىز قالعان قالا تۇرعىندارىنا جۇمىسقا ورنالاسۋعا مۇمكىندىك بەرەتىنىن اتاپ ءوتتى. قالا اۋماعىن اباتتاندىرۋ ماسەلەسى شەشىلۋدە. الماتىدا وسى باعدارلاما بويىنشا بارلىعى 26 مىڭ جۇمىس ورنىن قامتيتىن 214 جوبانى ىسكە اسىرۋ جوسپارلانۋدا. ولاردىڭ 13 مىڭى جۇمىسپەن قامتۋ ورتالىعىنىڭ جولداماسى نەگىزىندە جۇمىسقا ورنالاسادى. بۇگىندە باستالعان جوبالار بويىنشا جۇمىسپەن قامتۋ ورتالىعى ارقىلى قۇرىلعان جۇمىس ورىندارىنا 1813 ادام, ونىڭ ىشىندە 404 - جاس جۇمىسقا ورنالاستىرىلدى.
قالا تۇرعىندارىن جۇمىسقا ورنالاستىرۋعا جاردەمدەسۋ ماقساتىندا حالىقتى جۇمىسپەن قامتۋ ورتالىعى ارقىلى ءوزارا ءىس-قيمىل جۇيەسى قۇرىلدى. سونىمەن, «جقجك» بويىنشا جوبالاردى ىسكە اسىرۋ اياسىندا جۇمىسپەن قامتۋ ورتالىعىنىڭ بازاسىندا تىركەلگەن جۇمىسسىزدارعا 50% جۇمىس ورنى بەرىلەدى.
ايتا كەتەيىك, بيىلعى جىلدىڭ باسىنان بەرى الماتىدا حالىقتى جۇمىسپەن قامتۋ ورتالىعى ارقىلى تۇراقتى جۇمىسقا 4549 ادام, ۋاقىتشا (قوعامدىق جۇمىستار, الەۋمەتتىك جۇمىس ورىندارىنا) 3165 ادام جۇمىسقا ورنالاستىرىلدى. كاسىپ الۋدى نەمەسە بىلىكتىلىكتى ارتتىرۋدى قاجەت ەتەتىن تۇلعالار ءونىمدى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان «ەڭبەك» مەملەكەتتىك باعدارلاماسى شەڭبەرىندە قىسقا مەرزىمدى كاسىپتىك وقۋدان وتە الادى.