تاقىرىپتا ايتىلعان مالىمدەمەنى حالىقارالىق وليمپيادا كوميتەتىنىڭ توراعاسى توماس باح جاسادى. ياعني, بيىلعى جىلى ءوتۋى ءتيىس توكيو جازعى وليمپيادا ويىندارى حوك شەشىمىمەن وتكەن ناۋرىز ايىندا كەلەسى 2021 جىلعا شەگەرىلگەن بولاتىن.
بىراق الەمدىك سپورت دوداسى پاندەميا سالدارىنان كەلەسى جىلى دا وتپەيتىن ءتۇرى بار. بۇل تۋرالى حوك توراعاسى ەگەردە جازعى وليمپيادا كەلەسى جىلى دا وتپەيتىن بولسا, ونى كۇن تارتىبىنەن تۇبەگەيلى الىپ تاستاۋ قاجەت دەيدى.
بۇل تۋرالى ت.باح مىرزا BBC Sport تەلەارنارناسىنا بەرگەن سۇحباتىندا ايتتى. توراعانىڭ پىكىرىنشە, الەمدىك دەڭگەيدەگى سپورتتىق جارىستار مەرزىمىن قايتا-قايتا وزگەرتە بەرۋ كاسىبي سپورتشىلاردىڭ دايىندىعىنا اسەر ەتەرى ءسوزسىز. بۇلاي جاساۋ ولارعا قيانات.