بۇگىن الماتى قالالىق پوليتسيا دەپارتامەنتىنىڭ باسشىسى قانات تايمەردەنوۆ ءباسپاسوز بريفينگىن وتكىزدى.
-بۇگىنگى تاڭدا قالا پەريمەترى بويىنشا جۇمىس جاساپ تۇرعان 25 باقىلاۋ-وتكىزۋ پۋنكتىنىڭ جاعداي تۇراقتى. ولاردىڭ جۇمىسىنا قورعانىس مينيسترلىگىنىڭ اسكەريلەرىنسىز پد-ءنىڭ جەكە قۇرامىنان 700-گە جۋىق ادام جۇمىلدىرىلعان. ەڭ تانىمال باعىتتاعى جولداردا بىرنەشە كۇن بويى كەپتەلىستەر بايقالادى. ولار, ەڭ الدىمەن كارانتين رەجيمىن بوساڭسىتۋعا بايلانىستى بولىپ وتىر. كەيبىر ازاماتتار كارانتيننىڭ توقتاتىلۋىمەن شاتاستىرادى, سوندىقتان ولار قالاعا كىرۋگە نەمەسە, كەرىسىنشە, قالادان شىعۋعا تىرىسادى. كارانتيننىڭ جويىلماعاندىعى تۋرالى تاعى دا ەسكەرتەمىز! باقىلاۋ-وتكىزۋ پۋنكتتەرىنەن تەك جەدەل شتابتىڭ دەرەكتەرىنىڭ ارنايى تىزىلىمىنە ەنگىزىلگەن ازاماتتار عانا وتە الادى. جۇك كولىگىن قوسپاعاندا, ءار كولىك قۇرالىن تەكسەرۋگە بەلگىلى ءبىر ۋاقىت كەتەدى. وسىعان بايلانىستى, ءبىز ازاماتتاردى ءوز ۇيلەرىنەن نەگىزسىز شىعىپ كەتپەۋگە شاقىرامىز. بۇل شارالاردىڭ بارلىعى ازاماتتاردىڭ دەنساۋلىعى مەن ءومىرىنىڭ قاۋىپسىزدىگىنە باعىتتالعان. تۇسىنىستىكپەن قاراۋلارىڭىزدى وتىنەمىز, - دەدى دەپارتامەنت باسشىسى.