«وسى ماسەلەگە بايلانىستى, ءبىزدىڭ تاراپىمىزدان مەكتەپتەردە ورىن جەتىسپەۋشىلىگىن ازايتۋ بويىنشا كەزەڭدى جۇمىستار جالعاسىن تابۋدا»-, دەدى بۇگىن الماتى قالاسى وڭىرلىك كوممۋنيكاتسيالار قىزمەتىنىڭ الاڭىندا وتكەن ونلاين بريفينگتە الماتى قالاسى ءبىلىم باسقارما باسشىسى ءلاززات جىلقىباەۆا.
قىسقاسى, قالالىق ءبىلىم باسقارماسى باسشىسىنىڭ مالىمدەۋىنشە, بۇگىنگى كۇنى مەملەكەتتىك مەكتەپتەردىڭ 40 پايىزىنا كوپ سالماق ءتۇسىپ وتىر, قازىرگى تاڭدا ورىن جەتىسپەۋشىلىگى 30 مىڭ ورىندى قۇرايدى, ال 2020-2022 وقۋ جىلىندا بۇل كورسەتكىش 60 مىڭ ورىننان اسادى.
– مەكتەپتەردەگى جىل سايىنعى تۇراقتى ءوسىم تۋ جانە ىشكى ميگراتسياعا بايلانىستى بولىپ وتىر. 2018 جىلعا دەيىن كونتينگەنت ورتا ەسەپپەن 12 مىڭ وقۋشىعا, ال 2019 جىلى 17 مىڭ وقۋشىعا وسكەن. قالا مەكتەپتەرىندەگى ورىن جەتىسپەۋشىلىكتى ازايتۋ ءۇشىن 2022 جىلعا دەيىن ارنايى ءبىلىم بەرۋ نىساندارىنىڭ جەدەلدەتىلگەن قۇرىلىسى باعدارلاماسى جاسالدى. سونىمەن بىرگە, ماڭىزدى اتاپ وتەتىن جايت, باقىتجان ساعىنتاەۆ «شەكاراسىز قالا» قاعيداسىن قاپەردە ۇستاي وتىرىپ, بۇكىل قالا بويىنشا ءبىلىم بەرۋ ساپاسىن بىرتىندەپ ارتتىرۋ مىندەتى قويىلعان بولاتىن-, دەيدى ءلاززات جىلقىباەۆا.
سونىمەن الماتى قالاسى ءبىلىم باسقارما باسشىسى ءلاززات جىلقىباەۆا حابارلاعانداي, جالپى قالاداعى مەكتەپتەردىڭ قۇرىلىسى كەلەسىدەي مەحانيزمدەر بويىنشا جۇزەگە اسىرىلۋدا:
ءبىرىنشى. «جقجك» باعدارلاماسىنىڭ اياسىندا بيىل قالا ورتالىعىنان شالعايداعى الاتاۋ, ناۋرىزباي جانە تۇركسىب اۋداندارىندا 9 مەكتەپ قۇرىلىسى باستالدى. ول مەكتەپتەر 12900 ورىنعا جانە 7000 ورىنعا ارنالعان مەكتەپتەرگە 13 جاپسارلاس قۇرىلىس سالۋ جوسپارلانۋدا.
بارلىعى 19 900 ورىن قۇرىلىپ, ول 2021 جىلى پايدالانۋعا بەرىلمەك.
ەكىنشى. جەرشىلىكتى جانە رەسپۋبليكالىق بيۋدجەت ەسەبىنەن قارجىلاندىرۋ. قازىرگى ۋاقىتتا 1800 ورىنعا شاقتالعان 2 مەكتەپتىڭ قۇرىلىسى (مامىر ش/ا جانە نۇرشاشقان) جانە 3642 ورىنعا شاقتالعان مەكتەپتەرگە 8 جاپسارلاس قۇرىلىس جۇرگىزىلۋدە.
بارلىعى 5442 جاڭا ورىن اشىلىپ, 2020-2021 جىلى پايدانۋعا بەرىلمەك.
ءۇشىنشى. بيىل 5700 ورىنعا شاقتالىپ 5 مەكتەپ سالىنادى. 600 ورىنعا ارنالعان مەكتەپكە جالعاسا سالىناتىن 2 جاپسارلاس قۇرىلىس باستالدى.
بارلىعى 2020-2021 جىلى 6300 ورىن قۇرۋ جوسپارلانۋدا.
ءتورتىنشى. جەكە سەكتور. ۇستىمىزدەگى جىلى 2240 ورىنعا شاقتالعان 4 جەكەمەنشىك مەكتەپ اشۋ جوسپارلانۋدا. ەكەۋى بيىلعى جىلى اشىلسا, تاعى ەكەۋى 2021 جىلى اشىلماق.
وسىلايشا, 2020-2021 جىلدارى 16 مەكتەپ پەن 23 مەكتەپكە جاپسارلاس سالىنعان قۇرىلىس ەكسپلۋاتاتسياعا ەنگىزىلەدى. ولاردىڭ جالپى ورنى – 47 463.
2021 جىلدىڭ 1 قىركۇيەگىندە ورىن جەتىسپەۋشىلىگى 80 پايىزعا قىسقارادى. ال كۇش ءتۇسىپ وتىرعان مەملەكەتتىك مەكتەپتەر 44-كە دەيىن قىسقارىپ, جالپى ەسەپتە 20 پايىزدى قۇرايدى.
2021 جىلدىڭ 1 قىركۇيەگىندە ورىن جەتىسپەۋشىلىگى 12 مىڭدى قۇرايدى, بۇل كورسەتكىش 2021-2022 جىلدارعا جوسپارلانعان مەكتەپتەردىڭ قۇرىلىسى ەسەبىنەن ازايىپ وتىرماق.
سونىمەن بىرگە, 2020 جىلدىڭ جاز ماۋسىمىندا جوسپارلى تۇردە التى مەكتەپتە: №7, 40, 45, 54, 81, 114 كۇردەلى جوندەۋ باستالىپ, سەيسمولوگيالىق كۇشەيتۋ جۇرگىزىلەدى.
الماتى