بۇگىن الماتى قالاسى وڭىرلىك كوممۋنيكاتسيالار قىزمەتىنىڭ الاڭىندا مەكتەپتەردەگى وقۋ جىلىنىڭ اياقتالۋى مەن اتتەستاتتاردى تاپسىرۋ راسىمىنە قاتىستى ونلاين بريفينگ ءوتتى.
بريفينگتە الماتى قالاسى ءبىلىم باسقارما باسشىسى ءلاززات جىلقىباەۆا بيىلعى وقۋ جىلىندا مەگاپوليستە 9 299 تۇلەك مەكتەپ بىتىرەتىندىگىن جانە ولاردىڭ 545-ءى «التىن بەلگى» ۇمىتكەرلەرى ەكەندىگىن اتادى.
–بيىلعى جىلى 9 جانە 11 سىنىپ وقۋشىلارى ءۇشىن قورىتىندى اتتەستاتتاۋ وتكىزىلمەيدى, اتتەستاتتار اعىمداعى وقۋ جىلىندا توقسان قورىتىندىسى ەسكەرىلە وتىرىپ, سول باعالاردىڭ نەگىزىندە بەرىلەتىن بولادى, دەدى ءلاززات جىلقىباەۆا.
سونىمەن قاتار, الماتى قالاسى ءبىلىم باسقارما باسشىسى قازىرگى تاڭدا تومەندەگى شارالاردى وتكىزۋگە دايىندىق جۇمىستارى جۇرگىزىلىپ جاتقانىن جەتكىزدى:
22 مامىر كۇنى ساعات 11.00 كەزىندە «بالاپان» جانە «ەل ارنا» تەلەارنالارىندا 11 سىنىپ تۇلەكتەرى ءۇشىن ماماندىققا باعىتتاۋ بويىنشا بىرىڭعاي تەلەساباق وتەدى.
25 مامىر كۇنى ساعات 11.00 كەزىندە ءبىلىم جانە عىلىم ءمينيسترىنىڭ جانە قالانىڭ ءبىلىم سالاسىنداعى وكىلدەرىنىڭ ونلاين قۇتتىقتاۋى وتەدى;
25 مامىر كۇنى (پو گيبكومۋ گرافيكۋ) ونلاين سىنىپ ساعاتتارى - 1-10 سىنىپ وقۋشىلارى ۇشىنسوڭعى قوڭىراۋ وتەدى;
3-4 ماۋسىم كۇندەرى مەكتەپتەردە 11 سىنىپ تۇلەكتەرىنە اتتەستات تابىستاۋ بويىنشا سالتاناتتى لينەيكالار وتەدى. ول الدىن الا جاسالعان كەستەگە سايكەس تۇلەكتەردىڭ كوپتەپ ءبىر جەرگە توپتالماۋى ماقساتىندا وتكىزىلەدى.
سونىمەن بىرگە الماتى قالاسى ءبىلىم باسقارما تاراپىنان تۇلەكتەردىڭ سانيتارلىق تالاپتار مەن قاۋىپسىزدىكتى ساقتاۋى بويىنشا, لينەيكالاردىڭ مەكتەپ اۋماعىندا اشىق اسپان استىندا ءوتۋى, وعان قاتىساتىن تۇلەكتەردىڭ مەكتەپ فورماسىن كيۋى جانە باسقا دا ماسەلەلەر ەرەكشە باقىلاۋعا الىندى.