كەزدەسۋ بارىسىندا نۇرسۇلتان نازارباەۆقا پارلامەنت ماجىلىسىندەگى «Nur Otan» فراكتسياسىنىڭ قازىرگى قىزمەتى مەن پارتيانىڭ سايلاۋالدى باعدارلاماسىن جۇزەگە اسىرۋدى باقىلاۋ بارىسى تۋرالى اقپارات ۇسىنىلدى. بۇل تۋرالى تۇڭعىش پرەزيدەنتتىڭ ءباسپاسوز قىزمەتى حابارلادى.
ن.نىعماتۋليننىڭ مالىمەتى بويىنشا, ءماجىلىستىڭ قاراۋىنداعى 137 زاڭ جوباسىنىڭ 40-تان استامىن «Nur Otan» فراكتسياسىنىڭ دەپۋتاتتارى ازىرلەدى.
سونىمەن قاتار ەلباسىنا ەلىمىزدىڭ داعدارىسقا قارسى دامۋىن زاڭنامالىق قامتاماسىز ەتۋ اياسىندا ەكونوميكالىق ءوسىمدى قالپىنا كەلتىرۋ جونىندەگى ۇكىمەتتىڭ كەشەندى جوسپارىنا پارلامەنتتىك فراكتسيانىڭ ازىرلەگەن ۇسىنىستارى تۋرالى مالىمەت بەرىلدى.