ءبىرجان سال اۋدانى ءبىرسۋات اۋىلىندا ءورت ءسوندىرۋ بەكەتى اشىلدى. كوكتەم جانە جاز مەزگىلىندە ورمان ءورتىنىڭ الدىن-الۋ مەن قاۋىپسىزدىك ەرەجەلەرىن ساقتاۋعا ەرەكشە ءمان بەرۋ قاجەت.
بۇل ايماقتا اشىلعان 29-شى ءورت ءسوندىرۋ بەكەتى. «بايمىرزا-اگرو» سەرىكتەستىگىندە ورنالاسقان. ەندىگى كەزەكتە زاۋرال اۋىلدىق وكرۋگى, ءبىرسۋات, ماماي اۋىلدارى مەن ورمان القاپتارىنداعى ءورت قاۋىپسىزدىگىن ساقتاۋعا جۇمىلدىرىلماق.
–اۋداننىڭ اۋماعى 1 ميلليون گەكتاردان استام. ونىڭ 600 مىڭعا جۋىعى جايىلىم جەر. بۇل 4-ءشى ءورت ءسوندىرۋ بەكەتى. «بايمىرزا اگرو» سەرىكتەستىگىمەن بىرلەسىپ اشىپ وتىرمىز, دەيدى ءبىرجان سال اۋدانىنىڭ اكىمى ەرمەك نۇعىمانوۆ.
ءورت ءسوندىرۋ بەكەتىندە ارنايى گاراج جابدىقتالعان. تەلەفون بايلانىسى جانە ءورت ءسوندىرۋ كولىگىمەن قامتىلعان. قۇتقارۋشىلار ءورت سوندىرۋمەن قاتار وزگە دە توتەنشە جاعدايدىڭ سالدارىن جويۋعا جۇمىلدىراتىن بولادى.
اسىرەسە كوكتەم مەن جاز ايلارىندا تىيىم سالىنعان اۋماقتا وت جاعۋ, قوقىس پەن قۇرعاق شوپتەردى ورتەۋ دەرەگى ءجيى ورىن الاتىن كورىنەدى. تابيعي ءورتتى دەرەۋ انىقتاۋعا ارنالعان 52 ءموبيلدى توپ قۇرىلعان. ونىڭ قۇرامىندا توتەنشە جاعدايلار جانە پوليتسيا قىزمەتكەرلەرى مەن ورماندى قورعاۋ باسقارماسىنىڭ ماماندارى بار. كۇنى بۇگىنگە دەيىن 152 رەيد شاراسى جۇرگىزىلگەن.
ء–ورت قاۋپى جوعارى ماۋسىم 6 ساۋىردە باستالعان. وبلىس اۋماعىندا 3 ورمان ءورتىنىڭ جانە قۇرعاق ءشوپتىڭ تۇتانۋىنىڭ 17 دەرەگى تىركەلدى. 11 وقيعا بويىنشا كىنالىلەر انىقتالدى. ولاردىڭ بارلىعى اكىمشىلىك جاۋاپكەرشىلىككە تارتىلدى, دەيدى وبلىستىق توتەنشە جاعدايلار جونىندەگى دەپارتامەنتى باستىعىنىڭ ورىنباسارى ماناربەك شاپاعاتوۆ.
دەگەنمەن, توتەنشە جاعدايلار جونىندەگى دەپارتامەنتى ءورت قاۋىپسىزدىگى تالاپتارىن ورىنداماعان ءۇشىن اكىمشىلىك جاۋاپكەرشىلىككە تارتۋ قاراستىرىلعاندىعىن ەسكەرتەدى.