توتەنشە جاعداي اياقتالعانىمەن دەرتتىڭ تارالۋى باسەڭدەمەي تۇر. وبلىستىق قىلمىستىق اتقارۋ جۇيەسى دەپارتامەنتى ءوز عيماراتىندا شاعىن فرونت كەڭسەسىن قۇرىپ, ىندەتتىڭ الدىن الۋدا.
دەپارتامەنت قىزمەتكەرلەرى كۇندەلىكتى جۇمىستارىنا كىرىسپەس بۇرىن سانيتارلى-كارانتيندىك باقىلاۋدان وتەدى. دەنە قىزۋلارى ولشەنىپ, قولدارى ديزينفەكتسيالانادى. ماسكالارى بار-جوقتىعى تەكسەرىلەدى. مۇنداي سانيتارلىق شارالاردان كەلۋشىلەر دە ءوتىپ, دەپارتامەنتكە قاتىستى ماسەلەسىن فرونت كەڭسە ىشىندە پىسىقتايدى. ياعني, كەڭسە ىشىندە ورنالاستىرىلعان ىشكى تەلەفون ارقىلى ماماننان قاجەتتى كەڭەس بەرىلەدى.
– 11 مامىردان باستاپ كارانتين رەجيمى جەڭىلدەتىلگەنمەن, ءبىز ءوز قىزمەتكەرلەرىمىزبەن ەرەكشە جاعدايدا جۇمىس ىستەۋدى جالعاستىرۋدامىز. وزدەرىڭىز جاڭا كورگەندەرىڭىزدەي, شاعىن فرونت كەڭسەدە قىزمەتكەرلەر مەن كەلۋشىلەر ءۇشىن بارلىق جاعداي جاسالعان. مۇنىڭ بارلىعى ولاردىڭ اراسىندا تىكەلەي بايلانىستى قىسقارتۋ ءۇشىن جاسالىپ وتىر. سەبەبى, ءبىزدىڭ قىزمەتكەرلەرىمىز سوتتالعاندارمەن دە جۇمىس ىستەيدى عوي. سوندىقتان, ىندەتتى جۇقتىرۋ قاۋىپ-قاتەرىنىڭ الدىن الۋ وتە ماڭىزدى,–دەيدى وبلىستىق قىلمىستىق اتقارۋ جۇيەسى دەپارتامەنتىنىڭ باستىعى قايرات ايداربەكوۆ.
بۇل رەتتە, كۇنى بۇگىنگە دەيىن وبلىستىق قىلمىستىق اتقارۋ جۇيەسى دەپارتامەنت قىزمەتكەرلەرى مەن جابىق مەكەمەلەردەگى سوتتالعاندار اراسىندا كوروناۆيرۋس ىندەتىن جۇقتىرعاندار تىركەلمەگەن.