الماتىدا رۇقساتى وتكەن قارۋدى ساقتاۋعا جانە الىپ جۇرۋگە مەرزىمدى 10 شىلدەگە دەيىن ۇزارتۋعا بولادى. بۇل تۋرالى ىشكى ىستەر مينيسترلىگىنىڭ ءباسپاسوز قىزمەتى حابارلادى.
اكىمشىلىك پوليتسيا باسقارماسىنىڭ حابارلاۋىنشا, قر ءىىم نۇسقاۋىنا سايكەس, توتەنشە جاعداي كەزىندە قارۋدى ساقتاۋعا جانە الىپ جۇرۋگە رۇقساتتىڭ مەرزىمى وتكەن ازاماتتىق قارۋ يەلەرى قر اكىمشىلىك قۇقىق بۇزۋشىلىق تۋرالى كودەكسىنىڭ 486-بابىنا سايكەس وسى جىلدىڭ 10 شىلدەسىنە دەيىن اكىمشىلىك جاۋاپكەرشىلىككە تارتىلمايدى.
جوعارىدا كورسەتىلگەن كۇنگە دەيىن بۇل قۇجاتتى ۇزارتۋعا بولادى. بۇل ەرەجە كولىك جۇرگىزۋشى كۋالىگىنىڭ مەرزىمى اياقتالعان جۇرگىزۋشىلەرگە دە قاتىستى. ەلەكتروندىق تسيفرلىق قولتاڭبامەن E-gov ەلەكتروندىق ۇكىمەتتىڭ پورتالى ارقىلى قۇجاتتاردى الماستىرۋعا بولادى.