قازاقستان: ۇەۇ پاندەميا كەزىندە كىمدەرگە قول ۇشىن سوزدى؟

ول «جۇرەك جومارتتىعى» دەپ اتالادى, بۇل جوبانى «ايالا» قايىرىمدىلىق قورى ىسكە اسىردى. 2007 جىلى قۇرىلعان قورى 13 جىل بويى مەديتسينا مەن ءبىلىم بەرۋ سالاسىنداعى جوبالارمەن جۇمىس جۇرگىزىپ كەلەدى.

اۋەل باستان اتالمىش قور ءوزىن مەديتسينا سالاسىندا تانىتا الدى. قور بۇكىل ەل اۋماعىنداعى اۋرۋحانالارعا ورناتقان زاماناۋي رەانيماتسيا جابدىقتارى ارقىلى قازاقستاندا ون مىڭداعان بالالاردىڭ ءومىرى قۇتقارىلدى. دەمەۋشىلىك قاراجاتتار مەن قاراپايىم قازاقستاندىق ازاماتتاردىڭ قايىرىمدىلىعىنان جينالعان 3 ميلليارد تەڭگەدەن اساتىن سوما وسى ماقساتتارعا جۇمسالدى.

«ايالا» قورىنىڭ ءبىلىم بەرۋ سالاسىنداعى جوبالارى دا بار. ولاردىڭ ەڭ سوڭعىسى – مەكتەپ-ينتەرناتتار مەن بالالار ۇيلەرىنىڭ جاسوسپىرىمدەرى ءۇشىن بەلسەندى ۇسىنىلىپ وتىرعان كاسىبي بەيىمدەۋ كۋرستارى. ولاردى قارجىلاندىرۋ جالپى قارجى ەسەپتىلىگىندە اشىپ كورسەتىلەدى. ۇيىم قۇرىلعان كەزدەن بەرگى بارلىق قارجىلىق ارەكەتتەر تولىقتاي اشىق جانە www.ayala.kz سايتىندا مەملەكەتتىك ءبىلىم بەرۋ جانە مەديتسينا مەكەمەلەرىنە كومەك كورسەتۋ «ايالا» قايىرىمدىلىق قورى ءۇشىن باسىم باعىت ەكەنى تۋرالى اقپارات بار. الايدا مامىر ايىندا قور ءوزىنىڭ باسىم باعىتىن ءسال وزگەرتىپ, نۇر-سۇلتان قالاسىنداعى كۇنكورىسى تومەن 100 وتباسىنا ازىق-ت ۇلىك قورجىنىمەن كومەك كورسەتۋ ءۇشىن «Qolda»  جوباسىنىڭ شەڭبەرىندە قارجى الدى.

«قازىر كوروناۆيرۋس پاندەمياسىنىڭ سالدارىنان تالاي ادام قيىندىق كورىپ جاتىر, سوندىقتان ءبىز كومەكتەسە الاتىن جەردە جاردەم بەرۋىمىز ماڭىزدى جانە كەرەك دەپ شەشتىك»,- دەيدى «ايالا» قورىنىڭ پرەزيدەنتى ايدان سۇلەيمەنوۆا.

بۇگىنگى كۇنى «ايالا» قورى ەلوردا اكىمدىگىنەن العان ءتىزىم بويىنشا بارلىق 100 ازىق-ت ۇلىك قورجىنىنىڭ ءساتتى جەتكىزىلگەنىن حابارلايدى. جوبا ۇيلەستىرۋشىسى ءاربىر مەكەنجايدى ەگجەي-تەگجەيلى تەكسەردى. ول جۇمىسسىز جانە تىرشىلىككە قاراجاتسىز قالعان انالارمەن تەلەفونمەن ساعاتتاپ سويلەستى. تىزىمگە كىرگەن بىرنەشە وتباسى كومەكتەن وزدەرى باس تارتتى. ول وسى قيىن ۋاقىتتا ءسۇت, كىلەگەي, ايران, سارىماي, شۇجىق, ىرىمشىك, جەمىس-جيدەك پەن كوكونىسكە, سونداي-اق شاي, كوفە, جۇمىرتقا, بالىق جانە ەت كونسەرۆىلەرىنە, جارمالار, قانت, جۋ زاتتارى مەن گيگيەنا زاتتارىنا شىنىمەن مۇقتاج بولىپ وتىرعان ادامدارعا جىبەرىلدى.

سونداي-اق, ەۋرازيا ورتالىق ازيا قورىنىڭ «Qolda» شۇعىل كومەك جوباسى «شەۆرون» كومپانياسىمەن سەرىكتەسە وتىرىپ, كارانتيننىڭ ەلگە كەرى ىقپالىن ازايتۋ ءۇشىن, قوعامدىق جانە ەرىكتىلەر ۇيىمدارىنا قولداۋ كورسەتتى. بۇل تۋرالى حالىقتىڭ باق ارقىلى حاباردارلىعىن ارتتىرۋ جاعى دا قاراستىرىلدى.

ء«بىزدىڭ كونكۋرسقا ۇەۇ-دان بەرىلگەن وتىنىمدەردىڭ ساپاسى وتە جوعارى بولدى. گرانت كوميتەتى 11 جوبا ءۇشىن 24 ملن تەڭگە ءبولدى. ولار مەديتسينا جۇمىسكەرلەرىنە قولداۋ كورسەتۋ باستامالارىنا, حالىقتىڭ وسال توپتارى مەن ميگرانتتارعا گۋمانيتارلىق كومەك كورسەتۋگە, ازاماتتىق قوعامدى پاندەميا سالدارلارىمەن كۇرەسكە قاۋىپسىز تارتۋعا, جۇمىس ورىندارىن قۇرۋعا باعىتتالدى. «جۇرەك جومارتتىعى» جوباسىن ىسكە اسىرۋ كەزىندەگى «ايالا» قورىنىڭ كاسىبي دەڭگەيىن اتاپ وتكىمىز كەلەدى. بۇل قوردىڭ قىزمەتكەرلەرىنىڭ جاۋاپتىلىعىنىڭ جانە ايرىقشا ىنتاسىنىڭ ارقاسىندا شىنايى مۇقتاج ادامدارعا كومەكتىڭ جەتكەنىنە قۋانىشتىمىز»,- دەدى قازاقستانداعى ەواق اتقارۋشى ديرەكتورى ريناد تەميربەكوۆ.  

الماتى