جىل سايىن دۇنيەجۇزىلىك قاۋىمداستىق 18 مامىردا حالىقارالىق مۋزەيلەر كۇنىن اتاپ وتەدى. 1992 جىلى ءورت كۇزەتى بولىمشەسىندە اشىلعان ءورت سوندىرۋشىلەردىڭ مۋزەيى ماڭعىستاۋ وبلىسى توتەنشە جاعدايلار دەپارتامەنتى ء«وس جانە اقجق» مم-دە №1 مامانداندىرىلعان ءورت ءسوندىرۋ بولىمشەسىندە ورنالاسقان. ماڭعىستاۋ تۇرعىندارى جانە قالا قوناقتارى مۋزەيدە ەكسكۋرسيادا بولدى, دەپ حابارلايدى ماڭعىستاۋ وبلىستىق توتەنشە جاعدايلار دەپارتامەنتىنىڭ ءباسپاسوز قىزمەتى.
مۋزەيدە ەكسكۋرسيادان باسقا, جينالىستار, كونفەرەنتسيالار, جانە جەكە قۇراممەن ساباقتار بولىپ تۇرادى. بالالارعا جىلدا «ورتتەن ساقتانۋ» تاقىرىبىندا كورمە ۇيىمداستىرىلادى. مۋزەيگە ماڭعىستاۋ وبلىسى بويىنشا ءارتۇرلى ەكسپوناتتار, تاريحي جادىگەرلەر, ءورت كۇزەتىنىڭ دامۋى جانە جاعدايى تۋرالى قۇجاتتار قويىلعان. مۋزەي ەكى بولمەدەن تۇرادى – قاراپايىم جانە تاريحي زالداردان. مۋزەيدىڭ نەگىزگى بولىگىندە ءورت سوندىرۋگە ارنالعان قۇرالداردىڭ بارلىعى, ورتتە تابىلعان زاتتار, ءورت كەزىندە بالقىپ كۇيگەن كوستيۋمدەردى تابۋعا بولادى.
بالالاردىڭ اسا قىزىقتايتىنى دابىل كوتەرىلگەن مەزگىل مەن جانە ۇلكەن ءورت ءسوندىرۋ تەحنيكالار, ءورت ءسوندىرۋ قۇرالدارى بولدى. ولار تەحنيكانىڭ نەمەن جابدىقتالعانى, قالاي جۇمىس جاسايتىندىعىن بىلەدى. ءورت سوندىرۋشىلەر ءوز كەزەگىندە بالالارعا قۇتقارۋ قۇرالدارىن, گيدراۆليكالىق قايشى, كەڭەيتكىش قۇرال,, دومكرات سىندى ت.ب. زاتتاردى كورسەتەدى. بالالارعا مۋزەيدە ورنالاسقان كورمەلەردە تۇرعان ءورت سوندىرۋشىلەردىڭ ءورت كەزىندە كيەتىن ارنايى كيىمدەرى كورسەتىلەدى. بالالار ارنايى كاسكانى, كيىمدەردى كيىپ كورىپ, ءورت ءسوندىرۋشى بولسام دەگەن ويعا كەلەدى, دەيدى اتالعان دەپارتامەنتتىڭ ءباسپاسوز قىزمەتىنەن گ.حودجابەكوۆا.
ماڭعىستاۋ وبلىسى