بۇل تۋرالى قوعامدىق كوممۋنيكاتسيا ورتالىعىندا وتكەن بريفينگتە مو ىشكى ساياسات باسقارماسى باسشىسىنىڭ ورىنباسارى نۇرتاس سالي مالىمدەدى.
تۇركىستان وبلىسى ماقتاارال اۋدانىندا ورىن العان توتەنشە جاعدايعا بايلانىستى زارداپ شەككەن تۇرعىندارعا كومەك كورسەتىپ, قولداۋ ءبىلدىرۋ ماقساتىندا ماڭعىستاۋ وبلىسىندا گۋمانيتارلىق كومەك جيناۋ پۋنكتتارى ۇيىمداستىرىلدى.
پۋنكتتاردا جۇك جيناۋ جۇمىستارى 4 – 9 مامىر ارالىعىندا قالالار مەن اۋداندارداعى جاستار رەسۋرستىق ورتالىقتارىنىڭ بازاسىندا جانە ءىرى ازىق-ت ۇلىك دۇكەندەرى مەن بازارلاردىڭ الدىندا جۇرگىزىلدى.
گۋمانيتارلىق جۇكتىڭ ىشىندە ۇزاق ساقتالاتىن ازىق-ت ۇلىكتەر, كيىم-كەشەكتەر مەن توسەك-جابدىقتار, ءدارى-دارمەكتەر جانە گيگيەنالىق قۇرالدار قامتىلدى.
العاشقى گۋمانيتارلىق كومەك 7 مامىر كۇنى ماقتاارال اۋدانىنان ەڭ شالعاي ءوڭىر جاڭاوزەن قالاسىنان جونەلتىلدى. 7 گازەل اۆتوكولىكتەرىمەن جالپىلاي ەسەپتەگەندە 7,5 تونناعا جۋىق گۋمانيتارلىق جۇك جىبەرىلدى.
ەكىنشى گۋمانيتارلىق كومەك 9 مامىر كۇنى اقتاۋ قالاسىنان جانە بەينەۋ, مۇنايلى, قاراقيا اۋداندارىنان جىبەرىلدى. 2 فۋرا جانە 14 گازەل اۆتوكولىكتەرىمەن جالپىلاي ەسەپتەگەندە 70 تونناعا جۋىق گۋمانيتارلىق جۇك ماقتاارالدىقتارعا جونەلتىلدى.
-جالپىلاي العاندا, وسى ارالىقتا 77,5 تونناعا جۋىق گۋمانيتارلىق جۇك ماڭعىستاۋ جۇرتشىلىعى اتىنان تۇركىستاندىقتارعا جەتكىزىلدى, دەدى نۇرتاس سالي.
بۇگىنگى كۇنى تۇركىستان وبلىسىندا ارنايى جۇك جيناۋ قويمالارى ۇيىمداستىرىلىپ, تۇرعىندارعا تاراتۋ جۇمىستارى جۇرگىزىلۋدە.
ماڭعىستاۋ وبلىسى