ماڭعىستاۋدا مەكتەپتەرتەردىڭ قىزمەتى قاشىقتىقتان وقىتۋ رەجيمىندە جالعاسادى. مۇعالىمدەردىڭ جالاقىلارى مەن ەڭبەك دەمالىستارىنىڭ اقىسى ۋاقىتىلى تولەنەدى.
ول ءۇشىن بيۋدجەتتەن قارجى كولەمى قاراستىرىلدى, ياعني مامىر ايىنا جالاقى 3,9 ملرد تەڭگە, وتپۋسك 750 ملن تگ, بارلعى 4,7 ملرد تگ, ماۋسىم ايىنا 7,1 ملرد تگ, جالاقى 2,2 ملرد تگ, وتپۋسك 4,9 ملرد تگ, دەپ حابارلادى قوعامدىق كوممۋنيكاتسيا ورتالىعىندا وتكەن بريفينگتە ماڭعىستاۋ وبلىستىق ءبىلىم باسقارماسىنىڭ باسشىسى ا.سەيداليەۆ.
وبلىستاعى 150 مەكتەپتە (139 كۇندىزگى, 6 كەشكى, 5 جەكەمەنشىك) 150 826 وقۋشى جانە 12 534 مۇعالىم 6 ساۋىردەن باستاپ قاشىقتىقتان وقىتىلۋدا. تەك ماڭعىستاۋ اۋدانى بەكى اۋىلى باستاۋىش مەكتەبىنىڭ 32 وقۋشىسى «قازپوشتا» تاسىمالىمەن تاپسىرما جولداۋ ارقىلى وقىتىلادى.
شتاتتىق رەجيمدە جۇمىس جاسايتىن قاراقيا اۋدانى اققۇدىق مەكتەبى اۋىلعا جاقىن ورنالاسقان سەنەك اۋىلى تۇرعىندارىنان كورونوۆيرۋس ينفەكتسياسى انىقتالۋىنا بايلانىستى 4 مامىردان باستاپ قاشىقتىقتان وقىتۋعا اۋىستىرىلدى (23 وقۋشى, 14 مۇعالىم).
ءبولىمدى جيىنتىق باعالاۋ (بجب) وقۋ جۇكتەمەسى اپتاسىنا 2 جانە ودان ارتىق ساعاتتى قۇرايتىن وقۋ پاندەرى بويىنشا 4-11 مامىردا, وقۋ جۇكتەمەسى اپتاسىنا 1 ساعاتتى قۇرايتىن وقۋ پاندەرى بويىنشا 11-15 مامىردا وتكىزىلدى.
18-22 مامىردا 1-10 سىنىپتاردا توقساندىق جيىنتىق باعالاۋ (تجب), ال 11 سىنىپتا باقىلاۋ جۇمىسىن وتكىزىلەدى.
بيىلعى جىلى 9 جانە 11 سىنىپتارعا قورىتىندى اتتەستاتسيا تاپسىرمايدى. قورىتىندى اتتەستاتسيا جىلدىق باعالارمەن باعالانادى. بيىلعى وقۋ جىلىندا 11 سىنىپتى 206 وقۋشى التىن بەلگىمەن (2019 ج. - 159), 326 وقۋشى ۇزدىك اتتەستاتپەن (2019 ج. - 216) بىتىرەدى.
اتتەستات تاپسىرۋ ءراسىمى 3-4 ماۋسىمدا وتكىزىلەدى. بۇل مەرەكەنىڭ ەرەكشەلىگى – سالتاناتتى تۇردە اتتەستات بەرىلەدى جانە سوڭعى قوڭىراۋ سوعىلادى. تۇلەكتەر ادەتتەگى مەكتەپ فورماسىمەن قاتىسادى. شارا مىندەتتى تۇردە مەكتەپ قابىرعاسىندا, تازا اۋدا, تەك 11 سىنىپ وقۋشىلار مەن اتا-انالاردىڭ قاتىسۋىمەن جانە بارلىق سانيتارلىق نورمالاردى ساقتاي وتىرىپ وتكىزىلەدى.