مەملەكەت باسشىسى نۇرسۇلتان نازارباەۆتىڭ اتىنا «Uniao Planetaria» مەدياحولدينگىنىڭ پرەزيدەنتى, «TV Supren» تەلەارناسىنىڭ باس ديرەكتورى ۋليسسەس ريەدەلدەن حات كەلدى, دەپ حابارلادى پرەزيدەنتتىڭ ءباسپاسوز قىزمەتى.
مەملەكەت باسشىسى نۇرسۇلتان نازارباەۆتىڭ اتىنا «Uniao Planetaria» مەدياحولدينگىنىڭ پرەزيدەنتى, «TV Supren» تەلەارناسىنىڭ باس ديرەكتورى ۋليسسەس ريەدەلدەن حات كەلدى, دەپ حابارلادى پرەزيدەنتتىڭ ءباسپاسوز قىزمەتى.
«بىرىڭعاي عالامشار» قوعامدىق بىرلەستىگىنە دە جەتەكشىلىك ەتەتىن ۋ.ريەدەل ءوز حاتىندا 2013 جىلدىڭ 29 تامىزىندا قازاقستاننىڭ برازيلياداعى ەلشىلىگىنىڭ ۇيىمداستىرۋىمەن بۇكىل الەم بويىنشا يادرولىق سىناقتاردىڭ قۇرباندارىن ءبىر مينۋت ۇنسىزدىكپەن ەسكە الۋ راسىمىنە قاتىسقانى تۋرالى ءمالىمدەگەن.
«وسى ورايدا, ءسىزدى «اتوم جوباسى» جۇمىسىنىڭ تابىستى جۇرگىزىلۋىمەن, سونداي-اق ءوز ەلىڭىزدىڭ اۋماعىندا يادرولىق قارۋدى سىناۋدى تولىق توقتاتۋعا باعىتتالعان دانا كۇش-جىگەرىڭىز ءۇشىن شىن جۇرەكتەن قۇتتىقتاۋىما رۇحسات ەتىڭىز», – دەلىنگەن حاتتا.
اۆتور يادرولىق قارۋسىزدانۋعا قول جەتكىزۋگە باعىتتالعان مۇنداي ناۋقاننىڭ اسا ماڭىزدى ەكەنىن دە اتاپ وتكەن. ۋ.ريەدەل مەملەكەتتەردىڭ, حالىقتاردىڭ جانە ءناسىلدەردىڭ بىرلىگىن نىعايتۋ ارقىلى الەمدىك, باۋىرلاستىق جانە ىنتىماقتاستىق وركەنيەتتىڭ مودەلىنە يە بولاتىنىمىزعا توقتالعان.
حات سوڭىندا ۋ.ريەدەل مەملەكەت باسشىسىن «بىرىڭعاي عالامشار» بىرلەستىگىنىڭ اقپاراتتاردى تاراتۋ جانە بۇكىل الەمدە يادرولىق قارۋدى جويۋ ىسىندە وزگە دە كومەگىن كورسەتۋگە جان-جاقتى اتسالىسۋعا دايىن ەكەندىگىنە سەندىرەدى.