پارلامەنت سەناتىنىڭ جالپى وتىرىسىندا دەپۋتاتتار «قازاقستان رەسپۋبليكاسىندا بەيبiت جينالىستاردى ۇيىمداستىرۋ جانە وتكىزۋ ءتارتىبى تۋرالى» زاڭ جوباسىن ەكىنشى وقىلىمدا قاراپ جاتىر.
بەيبiت جينالىستاردى ۇيىمداستىرۋ جانە وتكىزۋ ءتارتىبى تۋرالى زاڭ جوباسى جونىندە سەناتتىڭ كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتىنىڭ مۇشەسى سارسەنباي ەڭسەگەنوۆ بايانداما جاسادى. ول بۇل قۇجاتتىڭ پرەزيدەنت قاسىم-جومارت توقاەۆتىڭ حالىققا جولداۋىندا كورسەتىلگەن ميتينگتەر تۋرالى زاڭنامانى جەتىلدىرۋ تاپسىرماسىنا سايكەس ازىرلەنگەنىن اتاپ ءوتتى.
– باس كوميتەت سەناتتىڭ زاڭناما, رەداكتسيالىق-باسپا بولiمدەرiمەن بiرلەسە وتىرىپ زاڭ جوباسىنىڭ جەكەلەگەن باپتارىنا وزگەرiستەر مەن تولىقتىرۋلار ەنگiزۋ قاجەت دەگەن توقتامعا كەلدi. كوميتەت زاڭ جوباسىنداعى التى باپقا بايلانىستى 16 ۇسىنىستى ورىندى دەپ ساناپ, ولاردى سالىستىرمالى كەستەگە ەنگiزiپ, نازارلارىڭىزعا ۇسىنىپ وتىر. بۇل ۇسىنىستاردىڭ بiر توبى زاڭ جوباسىنىڭ 5 بابى 2-شi تارماعىنداعى بەيبiت جينالىستى ۇيىمداستىرۋشىنىڭ مiندەتتەرi مەن وسى باپتىڭ 3-شi تارماعىنداعى بەيبiت جينالىستار وتكiزۋ كەزiندە تىيىم سالۋ نەگiزدەرiن قامتيتىن, سونىمەن بىرگە 6 باپتىڭ 3-شi تارماعىنداعى بەيبiت جينالىسقا قاتىسۋشىنىڭ ارەكەتiنە تىيىم سالۋ تۋرالى تارماقتارعا قاتىستى. مىسالعا: زاڭ جوباسىندا ۇيىمداستىرۋشىعا بەيبiت جينالىستار وتكiزۋ كەزiندە بەيبiت جينالىسقا قاتىسۋشىلاردان ءوز بەتiن بۇركەمەۋدi, ونىڭ iشiندە بەت الپەتiن تانۋعا كەدەرگi كەلتiرەتiن كيiم-كەشەكتi جانە وزگە دە زاتتاردى پايدالانۋدى تالاپ ەتۋگە مiندەت قىلىپ جۇكتەگەن. سول سياقتى, بەيبiت جينالىستى وتكiزۋ كەزiندە ۇيىمداستىرۋشىعا بەت الپەتiن تانۋعا كەدەرگi كەلتiرەتiن كيiم-كەشەكتi جانە وزگە دە زاتتاردى پايدالانۋعا تىيىم سالۋ بەلگiلەنگەن. كوميتەت ۇيىمداستىرۋشىعا مiندەتتەلiپ وتىرعان بۇل نورمالاردى الىپ تاستاۋدى ۇسىنادى. بۇل بەلگiلi بiر دەڭگەيدە بەيبiت جينالىسقا قاتىسۋشىلاردىڭ دەنساۋلىعىن ساقتاۋعا بايلانىستى جەكە قورعانىش قۇرالدارىن پايدالانۋ قۇقىعىن شەكتەيدi, – دەدى سارسەنباي ەڭسەگەنوۆ.