ەندىگى جەردە ات ارقاسىنا جارماسقان شەنەۋنىكتەر وزدەرىنىڭ لاۋازىمدى قىزمەتتەرى ءۇشىن بەرىلگەن مەملەكەتتىڭ كولىگىن جەكە شارۋالارى باعىتىندا پايدالانا المايتىن بولادى. مۇنىڭ قانشالىقتى دارەجەدە جۇزەگە اسىپ, ۇنەمشىلدىككە قول جەتەتىنىن كىم ءبىلسىن, بىراق وسىنداي تىيىمنىڭ سالىنعالى تۇرعانى انىق كورىنەدى. بۇل تۋرالى كتك تەلەارناسى حابارلادى.
ەندىگى جەردە ات ارقاسىنا جارماسقان شەنەۋنىكتەر وزدەرىنىڭ لاۋازىمدى قىزمەتتەرى ءۇشىن بەرىلگەن مەملەكەتتىڭ كولىگىن جەكە شارۋالارى باعىتىندا پايدالانا المايتىن بولادى. مۇنىڭ قانشالىقتى دارەجەدە جۇزەگە اسىپ, ۇنەمشىلدىككە قول جەتەتىنىن كىم ءبىلسىن, بىراق وسىنداي تىيىمنىڭ سالىنعالى تۇرعانى انىق كورىنەدى. بۇل تۋرالى كتك تەلەارناسى حابارلادى.
شەنەۋنىكتەردى باقىلاۋ مەن قاداعالاۋ مۇنىمەن دە شەكتەلىپ قويا سالمايتىن سياقتى. ولاردىڭ قايدا بارىپ, قايدا تۇرعاندارى وسى كولىكتەرىنە ورناتىلاتىن سيگنال قوندىرعى ارقىلى انىقتالىپ تۇرادى. ال انىقتاۋ جۇيەسى عارىشتان قاراۋ ارقىلى جۇرگىزىلەدى. ياعني, ولار مىنگەن كولىكتەردىڭ قايدا بارىپ, قايدا ايالداعانىن ءبىلۋ ءۇشىن اۆتوماشينالارعا GPS-ناۆيگاتورلار ورناتىلماقشى.
بۇعان ۇلكەندى-كىشىلى باسشىلاردىڭ وزدەرىنە قىزمەتتىك ماقساتتا بەرىلگەن كولىكتەرىن كوپە-كورنەۋ, جۇرتتىڭ كوز الدىندا وڭدى-سولدى پايدالانۋلارى اسەر ەتكەن سياقتى. وسىعان وراي, تاقىرىپتى قاۋزاي ءتۇسكەن «نۇر.kz» پورتالىنىڭ ءتىلشىسى: «اتقامىنەرلەر قىزمەتتىك كولىكپەن ۇل-قىزدارىن مەكتەپ پەن بالاباقشاعا, ايەلدەرىن بازارعا تاسۋدى ادەتكە اينالدىرعان. ءتىپتى ماقتانعاندىق پا, ايتەۋىر تويعا دا سول ۇكىمەتتىڭ ماشيناسىمەن بارادى. بارىن پاش ەتكەندى جانى سۇيەتىن دوكەيلەردى ەندى تاۋبەسىنە تۇسىرەتىن كۇن الىس ەمەس», – دەپ ودان ارى نىعارلاپ قويادى.
«تاڭەرتەڭ بالاباقشالاردىڭ, مەكتەپتەردىڭ ماڭايىندا, كەشكە تويحانالاردىڭ توڭىرەگىندە قىزمەتتىك نومىرلەرى بار مەملەكەتتىك كولىك تۇرسا, ول مەملەكەتتىك قىزمەتشىنىڭ ادەپتىلىك نورمالارىنا ساي ەمەس. وسىنى ولاردىڭ ساناسىنا ءسىڭىرۋىمىز كەرەك», – دەگەندى ايتادى مەملەكەتتىك قىزمەت ىستەرى ءجونىندەگى اگەنتتىكتىڭ توراعاسى ءاليحان بايمەنوۆ.
مۇنىڭ ءبارى: «بۇدان بىلاي شىلبىرىڭدى شاقتاپ ۇستا, شەنەۋنىك», دەگەن قاعيدانىڭ كەلە باستاعانىن كورسەتسە كەرەك.
رۋسلان يگىلىك.