اباي قۇنانباي ۇلىنىڭ 175 جىلدىعىنا وراي 15 مامىر كۇنى قازاق ۇلتتىق قىزدار پەداگوگيكالىق ۋنيۆەرسيتەتىندە «ۆيزۋالدى ونەردە اباي الەمىن بەينەلەۋ» تاقىرىبىنداعى رەسپۋبليكالىق جاس سۋرەتشىلەر بايقاۋى وتەدى. بۇل تۋرالى ۋنيۆەرسيتەتتىڭ قوعاممەن بايلانىس قىزمەتى حابارلايدى.
كاسىپتىك ءبىلىم كافەدراسىنىڭ باستاماسىمەن ۇيىمداستىرىلاتىن شىعارماشىلىق سايىسقا كوللەدج جانە مەكتەپ ءبىتىرۋشى تۇلەكتەر ءوز تۋىندىلارىن ۇسىنا الادى.
بايقاۋعا قاعاز بەتىنە نەمەسە كەنەپكە ءتۇرلى-ءتۇستى بوياۋمەن (اكۆارەل, گۋاش, اكريل, مايلى بوياۋ) نەمەسە گرافيكالىق قۇرالدارمەن (تۋش, پەرو, سانگينا, ۋگول, قارىنداش, ت.ب.) اباي قۇنانباي ۇلىنىڭ شىعارمالارىنا ارنالىپ سالىنعان جۇمىستار قابىلدانادى.
سۋرەتتى سالۋعا 2 ساعات بولىنەدى. Zoom پلاتفورماسى ارقىلى كوميسسيا مۇشەلەرىنىڭ باقىلاۋىمەن قاتىسۋشىلاردىڭ تۋىندىلارى باعالانادى.
بايقاۋ قورىتىندىسى بويىنشا ءبىرىنشى ورىن العان قاتىسۋشى قىزدار ۋنيۆەرسيتەتىندە وقۋعا ءبىر جىلدىق وقۋ اقىسىنا 50 پايىزدىق, ەكىنشى ورىن العان قاتىسۋشى 25 پايىزدىق جانە ءۇشىنشى ورىن العان قاتىسۋشى 15 پايىزدىق جەڭىلدىك الادى.
ايتا كەتەيىك, سايىس «كوركەم ەڭبەك جانە سىزۋ» ءبىلىم بەرۋ باعدارلاماسى توبى بويىنشا جۇرگىزىلەدى.
بايقاۋ Zoom پلاتفورماسىندا وتەدى.
الماتى