جاساندى ينتەللەكت ادامزاتقا رەۆوليۋتسيالىق وزگەرىستەر اكەلەتىن يننوۆاتسيالىق سالالاردىڭ ءبىرى بولىپ سانالادى. بۇگىنگى كۇنى جاساندى ينتەللەكت كۇندەلىكتى تىرشىلىك سالاسىنا دەندەپ ەنە باستادى. اسىرەسە جاساندى ينتەللەكتتىڭ ءبىلىم بەرۋ نارىعىنداعى ءرولى ەرەكشە بايقالادى.
دۋبليندە SoapBox Labs كومپانياسى ازىرلەگەن تەحنولوگيا بالالاردا ساۋاتتى بولۋعا جانە وقۋ داعدىلارىن جاقسارتۋعا كومەكتەسەدى. باعدارلاما ازىرلەۋشىلەرىنىڭ ايتۋىنشا, بۇل جۇيە بالالار داۋىسى مەن سويلەۋ مانەرىن ءدال تانۋعا مۇمكىندىك بەرەدى. بۇل بالدىرعانداردىڭ ويىن ويناۋ تاجىريبەسىن ارتتىرىپ, داۋىس ارقىلى وقۋىنا مۇمكىندىك بەرەدى.
كومپانيانىڭ نەگىزىن قالاۋشى پاتريسيا سكەنلوننىڭ ايتۋىنشا, بۇل تەحنولوگيا بالالارعا ارنايى جاسالعان. وندا بالالاردىڭ داۋىسى مودەلدەۋ ارقىلى ءوزىن-ءوزى تانۋعا كومەكتەسەدى. وسىنىڭ ءبارى جاساندى ينتەللەكت سالاسىنداعى سوڭعى جەتىستىكتەر.
كومپانيا سالاداعى Micrioosoft سياقتى الپاۋىت كومپانيالارمەن ارىپتەستىكتە جۇمىس ىستەيدى. بۇل تەحنولوگياعا سونداي-اق مارك تسۋكەربەرگ قولداۋ كورسەتىپ وتىرعان Reach Every Reader ساراپشىلارى دا نازار اۋدارىپ وتىر. قازىرگى كەزدە الەم بويىنشا 27 كوممەرتسيالىق ليتسەنزياسى بار كومپانيا بىرنەشە تىلدەر بويىنشا قىزمەت كورسەتۋ اياسىن كەڭەيتكەن. كومپانيا ءبىلىم, بالالاردى وقىتۋ, ءتىلدى مەڭگەرۋ سياقتى الاڭداردا بەلسەندى.