«ايالا» ارداگەرلەرگە قامقورلىق جاسايدى

اتالمىش قور قازىرگى كەزدە 40 ارداگەرگە اي سايىن ازىق-ت ۇلىك پەن ءدارى-دارمەك تاسىپ, كارانتين كۇندەرىن جەڭىلدەتۋگە ۇمتىلىپ وتىر. جۋىردا 40 ارداگەردىڭ ار­قاي­سىسىن اي سايىن 30 مىڭ تەڭگە مول­شەرىندە كومەكپەن قام­تاماسىز ەتۋ جونىندە شەشىم قابىلداندى.

وسى ورايدا ارداگەرلەر نە ساتىپ الۋ كەرەكتىگىن وزدەرى انىقتايدى جانە مۇنى جوبا ۇي­لەس­تىرۋشىلەرىنە حابارلايدى. بىرەۋگە تەك ازىق-ت ۇلىك قا­جەت, باس­قاسىنا – تۇرمىستىق تەح­نيكا: شاڭسورعىش, قىسقا تول­­قىندى پەش, ۇتىك جانە ت.ب. كە­رەك. كلينينگ قىزمەتىنە دە سۇرانىس بولىپ تۇرادى. بار­لىق سۇرانىستار ارنايى بازاعا ەن­گىزىلەدى جانە وسى جالپى اق­پاراتتىڭ نەگىزىندە بۇكىل قاجەتتى تاۋارلار ساتىپ الىنادى جانە مەكەنجايلارىنا جەتكىزىپ بەرىلەدى.

« ۇلى وتان سوعىسىنىڭ ار­­­دا­گەر­لەرىنە دەگەن ۇلكەن ىقى­­لا­سىمىز بەن قۇرمەتىمىز  مول, ولارعا ءتيىمدى كومەك كورسەتۋگە تىرىسامىز. ءبىز ارداگەرلەرمەن بەلسەندى جۇمىس ىستەگەن سوڭعى 5 جىلدا ولاردىڭ قاتارىنىڭ كۇرت ازايىپ بارا جاتقانىن باي­قادىق. بيىل ۇلى جەڭىستىڭ 75 جىلدىعى, سوندىقتان ءبىزدىڭ دە كومەگىمىز ءتيىپ, ءار ارداگەر ءومى­رىن جاقسارتقىمىز كەلەدى», – دەيدى وسى ىسكە ۇيىتقى بولىپ جۇرگەن Samsung Electronics Central Eurasia كومپانياسىنىڭ جۇرتشىلىقپەن بايلانىس جانە كورپوراتيۆتىك-الەۋمەتتىك جا­ۋاپ­كەرشىلىك جونىندەگى مە­نەدجەرى بەرىك وماروۆ.  

اتالعان جوبا قامقورلىق جاسايتىن جاسى ەڭ ۇلكەن سوعىس ارداگەرى 9 مامىردا 102 جاسقا كەلەدى. بۇل – ءادىش ءابدىرايىموۆ. ول كىسى 1918 جىلى ومىرگە كەل­گەن. 1938 جىلى حاركوۆ فار­ما­تسەۆ­تيكالىق ينستيتۋتى­نا وقۋ­عا ءتۇسىپ, 1941 جىلى وڭ­تۇس­تىك-شى­­عىس مايدانداعى 173-ءشى ات­قىش­­تار ديۆيزياسى­نا جىبەرىلدى. بەرگەدورفتا تۇ­قىندا جانە نويەن­گاممدەگى كونتسلاگەردە بولىپ, ءادىش ءابدى­رايىموۆ ۇيىنە 1947 جى­لى ورالادى. 1952 جىلى ول تاشكەنتتەگى ورتا ازيالىق  مەم­لەكەتتىك ۋنيۆەرسيتەتتى «بيو­­لوگ» ماماندىعى بويىنشا بىتىر­گەننەن كەيىن سىناق ستانساسىندا زەرتحانا مەڭگەرۋشىسى بولىپ قىزمەت اتقارىپ, ودان كەيىن قازىرگى تۇر­كىستان وبلىسى, ماقتاارال اۋدا­نىنداعى ماقتانىڭ جاڭا سور­تىن وسىرگەن ەكەن.

الماتى