رامازان – قايىرىمدىلىق ايى. ەسىل اۋداندىق مەشىتىنىڭ باس يمامى باقجارىق قىزىر ۇلىنىڭ باستاماسىمەن كومەككە مۇقتاج 100 وتباسىعا ازىق-ت ۇلىك تاراتىلدى.
رامازان ايى – جاساعان جاقسىلىقتارىڭ ەسەلەنە تۇسەتىن, مەيىرىم-شاپاعاتى مول ۋاقىت. سوندىقتان, ءوڭىر يمامى اۋىل جۇرتشىلىعىن قايىرىمدى شارا جاساۋعا, ءبىر-بىرىنە كومەك كورسەتۋگە شاقىردى. جان جادىراتار جاقسى ءىس جالعاسىن تاۋىپ, ىزگىلىك نۇرىمەن گۇلدەنگەن كوڭىلدەر بۇرلەپ, اكتسياس ءالى دە جالعاسۋدا. بۇگىنگە دەيىن 300-دەي وتباسىعا ازىق-ت ۇلىك جەتكىزىلدى. اۋدان ورتالىعىنداعى جەكە كاسىپكەرلەر دە ىزگى امال جاساۋعا ات سالىسۋدا.
ء–بىزدىڭ ۇيىم ەلدەگى توتەنشە جاعدايعا بايلانىستى رەسپۋبليكالىق اكتسياسىعا قولدان كەلگەنىنشە ات سالىسۋدى ءجون كورىپ وتىر. كۇنى بۇگىنگە دەيىن الپىستان استام وتباسىعا كومەك كورسەتىلدى. ولار نەگىزىنەن, كوپبالالى وتباسىلار, مۇگەدەك جاندار جانە جالعىزباستى قاريالار,–دەيدى «ەسىل-2030» نەسيەلىك سەرىكتەستىگىنىڭ جەتەكشىسى تالعات ادىلباەۆ.
ادام بويىنداعى مەيىرىم مەن ىزگىلىك نۇرى تىرشىلىكتىڭ توڭىن جىبىتپەك. كۇن استىندا جۇرگەنمەن, كۇرسىنۋگە سەبەپ كوپ. سونداي ساتتە جومارت جانداردىڭ جۇرەك جىلۋى توڭىرەگىن ىزگىلىك نۇرىنا بولەمەك.