ەگىس ناۋقانىن ەرتە باستاعانداردىڭ ءبىرى – «قوسەل اگرو» سەرىكتەستىگى. قازىر تاناپ توسىندە تاۋلىك بويى جۇمىس ءجۇرىپ جاتىر. 10 مىڭ گەكتاردان استام ەگىستىك القابى بار كاسىپورىن ايدىڭ سوڭىنا دەيىن ءدان ەگۋ جۇمىسىن تولىق اياقتاماق.
قازىر ديقاندار ەكى مىڭ گەكتار جەرگە ارپا سەۋىپ جاتىر. جالپى 4 مىڭ گەكتارعا بيداي, 1 مىڭ گەكتارعا زىعىر داقىلىن ەگۋ جوسپارلاپ وتىر. وعان قوسا, س ۇلى جانە قىشا داقىلدارى سىڭىرىلمەك. سەرىكتەستىك 2 مىڭ گەكتار جەردى پارعا قالدىرىپتى. بيىل قار قالىڭ بولدى. ىلعال مول بولعان سوڭ ديقاندار مول ونىمنەن ءۇمىتتى.
–بيىل ەگىن ەگۋدى ءسال ەرتەرەك باستادىق. اۋا رايى قازىر قولايلى بولىپ تۇر. جەردىڭ ىلعالدىلىعى دا جاقسى,–دەيدى باس اگرونوم دەنيس كوزلوۆ.
سەرىكتەستىك ديرەكتورى الەكساندر شەۆەلكيننىڭ ايتۋىنشا, كوكتەمگى ءدان ءسىڭىرۋ جۇمىستارىنا 80 ادام جۇمىلدىرىلعان. ولاردىڭ كوپشىلىگى سيمفەروپول سەلولىق وكرۋگىنىڭ تۇرعىندارى. ولار ءۇشىن بارلىق الەۋمەتتىك جاعدايلار قاراستىرىلعان. تەحنيكالار دا جاڭا.
ء–تورت جارىم مىڭ گەكتار جەرگە ىلعال جابۋ جۇمىستارىن جۇرگىزدىك. 1000 گەكتار جەر ەگىس الدى باپتاۋدان ءوتتى. جالپى بيىل 8 مىڭ گەكتار جەرگە ءدان ەگەمىز. الدىمەن ارپا, كەيىن بيداي سەبۋدى جوسپارلاپ وتىرمىز. ونىمدىلىگى جوعارى 3 ەگۋ كەشەنى پەن قوسىمشا تەحنيكالار جۇمىلدىرىلادى,–دەيدى «قوسەل اگرو» سەرىكتەستىگىنىڭ ديرەكتورى الەكساندر شەۆيولكين.
قىرماندا دا جۇمىس قاۋىرت. تۇقىم قورى قويمادان شىعارىلىپ, قاجەتتى تىڭايتقىشتارمەن بايىتىلىپ جاتىر. زەرەندى اۋدانى بيىل 247 مىڭ گەكتار القاپقا ءدان سەپپەكشى. ونىڭ ىشىندە مايلى ءداندى-داقىلدار كولەمى ۇلعايتىلىپ, 54 مىڭ گەكتارعا جەتكىزىلمەك.