قازاق دالاسىندا كيىكتەر تولدەي باستادى. بۇل جونىندە ورمان شارۋاشىلىعى جانە جانۋارلار دۇنيەسى كوميتەتىنىڭ ءباسپاسوز حاتشىسى ساكەن دىلداحمەت الەۋمەتتىك پاراقشاسىندا حابارلاپ, قۇرالايلاردىڭ سۋرەتىمەن ءبولىستى.
«بۇگىنگى كۇندى ءسۇيىنشى سۇراۋدان باستاعىم كەلەدى. بىرنەشە كۇن بۇرىن كيىكتەر تولدەي باستادى. نازارلارىڭىزعا جاڭا تۋعان قۇرالايلاردىڭ سۋرەتتەرىن ۇسىنامىن. تۇقىم جالعاستىرۋ – ءاربىر تىرشىلىك يەسى ءۇشىن ماڭىزدى كەزەڭ», – دەيدى ساكەن دىلداحمەت.
ونىڭ ايتۋىنشا, كيىكتەر جىل سايىن مامىر ايىنىڭ باسىندا تولدەيدى. بۇل كەزەڭ بىرنەشە اپتاعا عانا سوزىلادى ەكەن.
«كيىكتەر تولدەگەندە اۋا رايى بۇزىلىپ, جەل تۇرادى. حالقىمىز بۇل ۋاقىتتى «قۇرالايدىڭ سالقىنى» دەپ اتايدى. تولدەۋ كەزىندە كيىكتىڭ ەركەگى ولاردى اينالا ءجۇرىپ, جىرتقىشتاردان قورعايدى. ال وحوتزووپرومنىڭ ينسپەكتورلارى مەن ورمان شارۋاشىلىعى جانە جانۋارلار دۇنيەسى كوميتەتىنىڭ اۋماقتىق دەپارتامەنتتەرى كيىكتەردى براكونەرلەردەن قورعايدى», – دەپ جازدى كوميتەت وكىلى.