وتان قورعاۋشىلار كۇنى قارساڭىندا قازاقستان پرەزيدەنتى قاسىم-جومارت توقاەۆتىڭ جارلىعىمەن اسكەري جانە قىزمەتتىك بورىشىن اتقارۋ كەزىندە, ادام ءومiرiن ساقتاپ قالۋ ۇشىن باتىلدىق پەن جانقيارلىق كورسەتكەن, سونداي-اق ەلدىڭ ۇلتتىق قاۋىپسىزدىگى مەن قورعانىس قابىلەتىن قامتاماسىز ەتۋگە, زاڭدىلىقتى جانە قوعامدىق ءتارتىپتى ساقتاۋعا ەلەۋلى ۇلەس قوسقان اسكەري قىزمەتشىلەر مەن قۇقىق قورعاۋ جانە ارنايى مەملەكەتتىك ورگانداردىڭ قىزمەتكەرلەرى قازاقستان رەسپۋبليكاسىنىڭ مەملەكەتتىك ناگرادالارىمەن ماراپاتتالدى. بۇل تۋرالى اقوردانىڭ ءباسپاسوز قىزمەتى حابارلادى.
ولاردىڭ ىشىندە:
ءى دارەجەلى «داڭق» وردەنىمەن – باس پروكۋروردىڭ ورىنباسارى مارات احمەتجانوۆ;
ءىى دارەجەلى «داڭق» وردەنىمەن – ىشكى ىستەر ءمينيسترىنىڭ ءبىرىنشى ورىنباسارى مارات قوجاەۆ;
ءىى دارەجەلى «ايبىن» وردەنىمەن – ىشكى ىستەر مينيسترلىگىنىڭ دەپارتامەنت باستىعى سانجار ءادىلوۆ, مەملەكەتتىك كۇزەت قىزمەتىنىڭ پرەزيدەنت كۇزەت قىزمەتى باستىعىنىڭ ورىنباسارى ساكەن يسابەكوۆ, قورعانىس مينيسترلىگى ءبولىم كومانديرىنىڭ ورىنباسارى – 14776 اسكەري ءبولىمى ورتالىعىنىڭ باستىعى راحات قارسەمباەۆ, قورعانىس مينيسترلىگى باس ينسپەكتسياسى اسكەرلەردىڭ جاۋىنگەرلىك جانە جۇمىلدىرۋ ازىرلىگى مەن دايارلىعى ينسپەكتسيالىق باسقارماسىنىڭ باستىعى – باس ينسپەكتسيا باستىعىنىڭ ورىنباسارى تولەۋقان نۇرقانوۆ, ۇلتتىق قاۋىپسىزدىك كوميتەتىنىڭ باسقارما باستىعى الەكساندر پەنكوۆ;
ءىىى دارەجەلى «ايبىن» وردەنىمەن – مەملەكەتتىك كۇزەت قىزمەتى ايرىقشا ماقساتتاعى كۇشتەرىنىڭ «ايبىن» پرەزيدەنتتىك پولكىنىڭ 1-ساناتتى مامانى عالىمجان اليەۆ;
«قۇرمەت» وردەنىمەن –ۇلتتىق قاۋىپسىزدىك كوميتەتى ۇكىمەتتىك بايلانىس قىزمەتىنىڭ ديرەكتورى تامەرلان جۇماعاليەۆ;
«ەرلىگى ءۇشىن» مەدالىمەن –سىبايلاس جەمقورلىققا قارسى ءىس-قيمىل اگەنتتىگى (سىبايلاس جەمقورلىققا قارسى قىزمەتتىڭ) اسا ماڭىزدى ىستەر جونىندەگى وفيتسەرى ايدوس بەسجانوۆ, ىشكى ىستەر مينيسترلىگى نۇر-سۇلتان قالاسى پوليتسيا دەپارتامەنتىنىڭ سارىارقا اۋداندىق پوليتسيا باسقارماسىنىڭ ۋچاسكەلىك ينسپەكتورى ەرلان جاڭاباەۆ, قارجى مينيسترلىگى قارجى مونيتورينگى كوميتەتى جەدەل دەپارتامەنتىنىڭ اعا جەدەل ۋاكىلى ميراس قۇربانوۆ, ىشكى ىستەر مينيسترلىگى نۇر-سۇلتان قالاسىنىڭ توتەنشە جاعدايلار دەپارتامەنتىنىڭ ءورت ءسوندىرۋ جانە اپاتتىق-قۇتقارۋ جۇمىستارى قىزمەتى №17 ءورت ءسوندىرۋ ءبولىمىنىڭ بولىمشە كومانديرى سەرگەي مازۋر;
«جاۋىنگەرلىك ەرلىگى ءۇشىن» مەدالىمەن – قورعانىس مينيسترلىگى كادرلار دەپارتامەنتىنىڭ وفيتسەرى شولپان تاۋىشوۆا, قورعانىس مينيسترلىگى 44813 اسكەري ءبولىمى س-300 زەنيتتىك زىمىران ديۆيزيونىنىڭ كومانديرى الەكساندر توميلين ماراپاتتالدى.
بارلىعى 45 ادام وردەندەرمەن, 53 ادام مەدالدارمەن جانە 3 ادام قازاقستان رەسپۋبليكاسىنىڭ قۇرمەت گراموتالارىمەن ناگرادتالدى.