كوكشەتاۋ قالاسىنداعى حالىققا قىزمەت كورسەتۋ ورتالىقتارىنىڭ جۇمىسى قايتا جانداندى. وبلىستىق اكىمدىك جانىنان قۇرىلعان توتەنشە جاعداي رەجيمىن قامتاماسىز ەتۋ جونىندەگى شتاب وسىنداي شەشىم قابىلداعان.
اۋەزوۆ كوشەسىندە ورنالاسقان №1 حالىققا قىزمەت كورسەتۋ ورتالىعى مەن مامانداندىرىلعان قىزمەت كورسەتۋ ورتالىعى جۇمىسقا كىرىستى. جۇمىس ۋاقىتى تاڭەرتەڭگى 9 دان كەشكى بەسكە دەيىن. شەكتەۋ ەرەجەلەرىن ساقتاۋ ماقساتىندا جانە ادامدار شوعىرلانباس ءۇشىن اكىمدىك تاراپىنان الدىن الا جاسالعان ءتىزىم ارقىلى قۇجاتتار قابىلدانادى. ياعني قۇجاتى ماقۇلدانعان ازاماتتارعا قىزمەتتەر كورسەتىلەدى. ال جەكە تۇلعالارعا مۇنداي قىزمەتتەردى ەلەكتروندى ۇكىمەت پورتالى ارقىلى الۋعا بولادى.
– زاڭدى تۇلعالار الدىن-الا تاپسىرىس ارقىلى كەزەك الا الادى. كەشەدەن بەرى 10 ادام ءتۇرلى مەملەكەتتىك قىزمەت بويىنشا ءوتىنىم جاسادى. نەگىزىنەن – زاڭدى تۇلعالاردىڭ كوكتەمگى ەگىسكە قاجەتتى اۆتوكولىكتەرى, جىلجيتىن جانە جىلجىمايتىن م ۇلىكتى تىركەۋگە قاتىستى قۇجاتتار قابىلدانادى. دايىن قۇجاتتاردى ەلەكتروندى ۇكىمەت پورتالىنان ونلاين تاپسىرىس بەرىپ الۋعا بولادى, – دەيدى «ازاماتتارعا ارنالعان ۇكىمەت» مەملەكەتتىك كورپوراتسياسى وبلىستىق فيليالى ديرەكتورىنىڭ ورىنباسارى نۇربەك قايىرجانوۆ.
مامانداندىرىلعان حالىققا قىزمەت كورسەتۋ ورتالىعىنا كەلەر بولساق قازىر تەك زاڭدى تۇلعالاردىڭ اۆتوكولىكتەرى عانا تىركەۋدەن وتە الادى. ماسكا رەجيمى ساقتالادى. جەكە تۇلعالار مۇنداي قىزمەتتەرگە پورتال ارقىلى ونلاين تاپسىرىس بەرەدى. قازىرگى تاڭدا مەرزىمى اياقتالعان جۇرگىزۋشى كۋالىكتەرىن اۋىستىرۋ, جاڭا كولىكتى تىركەۋ قىزمەتتەرى قولجەتىمدى. دايىن قۇجاتتاردى سول جەردەن كۇنبە-كۇن الۋعا بولادى.