الماتىدا ىندەت جۇقتىرعانداردىڭ 77 پايىزىنىڭ اۋرۋى جەڭىل وتكەن

«الماتىدا ءولىم-ءجىتىم كورسەتكىشى 0,6% قۇرايدى. اۋرۋحاناعا جاتقىزىلعانداردىڭ اراسىندا اۋىر حالدەگى ناۋقاستار سانى سوڭعى ۋاقىتتا كوبەيگەن جوق. الماتىدا كوروناۆيرۋستىق ينفەكتسيادان 210 ادام ساۋىعىپ,  ەمدەلىپ شىقتى. ولاردىڭ ىشىندە 23 مەديتسينا قىزمەتكەرى بار», - دەدى الماتى قالالىق قوعامدىق دەنساۋلىق ساقتاۋ باسقارماسىنىڭ باسشىسى تىلەۋحان ابىلداەۆ.

پرەزيدەنتتىڭ تاپسىرماسى بويىنشا مەديتسينا قىزمەتكەرلەرىنىڭ قاۋىپسىزدىگىن قامتاماسىز ەتۋ شارالارى كۇشەيتىلىپ, جۇقپالى ستاتسيونارلار سانى 9 جەتكەن. ول جەرلەردە 1940 ادامدى قابىلداۋعا ارنالعان توسەك-ورىن دايىن تۇر.  ال پروۆيزورلىق ەمدەۋگە جاتقىزۋ ءۇشىن 909 توسەك-ورىنعا ارنالعان 12 ستاتسيونار, كارانتيندىك ەمدەۋگە جاتقىزۋ ءۇشىن 1392 توسەكتى قامتىعان تاعى 9 ستاتسيونار دايىندالعان.

«مەديتسينالىق باقىلاۋدا 12 665 الماتىلىق بار. ونىڭ ىشىندە 312-ءى پروۆيزورلىق ستاتسيوناردا, 345-ءى كارانتيندىك گوسپيتالداردا, 2 008-ءى ءۇي كارانتينىندە. مەگاپوليستە COVID-19 دەر كەزىندە انىقتالۋىنىڭ دالەلى ناۋقاستاردىڭ 77 پايىزىنىڭ دەنساۋلىعى قاناتتانارلىق جانە ولاردىڭ اۋرۋى جەڭىل سيمپتومسىز وتۋدە», - دەدى باسقارما باسشىسى.

الماتى