بۇل تۋرالى Nur Otan پارتياسى توراعاسىنىڭ ءبىرىنشى ورىنباسارى باۋىرجان بايبەك Instagram جەلىسىندەگى پاراقشاسىندا ايتتى.
«قۇرمەتتى دوستار! وزدەرىڭىزگە ءمالىم, كورشىلەس وزبەكستاندا سۋ قويماسى بوگەتىنىڭ بۇزىلۋى سالدارىنان تۇركىستان وبلىسى ماقتارال اۋدانىنىڭ ەلدىمەكەندەرىن سۋ باسىپ, 30 مىڭنان استام تۇرعىن ەۆاكۋاتسيالاندى.
مەملەكەت باسشىسى قاسىم-جومارت توقاەۆ ۇكىمەتتىك كوميسسياعا تەز ارادا تۇرعىن ۇيلەر مەن ينفراقۇرىلىمدى قالپىنا كەلتىرۋ, تۇرعىندارعا الەۋمەتتىك كومەك كورسەتۋ جۇمىستارىن جۇرگىزۋدى تاپسىردى.
توتەنشە جاعداي ورىن العان العاشقى كۇننەن باستاپ «Nur Otan» بۇدان سىرت قالمادى. پارتيا فيليالى مەن مۇشەلەرى زارداپ شەككەن تۇرعىندارعا بارىنشا كومەك كورسەتۋدە.
بۇگىن پارتيانىڭ ورتالىق اپپاراتى ەلوردادان تۇركىستان وبلىسىنا 40 توننادان استام گۋمانيتارلىق كومەك, ونىڭ ىشىندە ازىق-ت ۇلىك پەن ءبىرىنشى كەزەكتە قاجەت تاۋارلاردى جونەلتتى. سۋ تاسقىنى بولعان جەردە تىكەلەي «Jas Otan» ۆولونتەرلارىنان شتاب قۇرىلدى. ولار زارداپ شەككەن تۇرعىندارعا جۇكتى ۇلەستىرىپ بەرۋگە اتسالىسادى» - دەپ جازدى باۋىرجان بايبەك.