العاشقى جۇمىس كۇنى 500-گە جۋىق مەملەكەتتىك قىزمەت كورسەتىلدى. ولاردىڭ 70%-دان استامى الدىن الا برونداۋ ارقىلى قامتاماسىز ەتىلگەن. قالعاندارى سول جەردە برون جاساعان نەمەسە وپەراتورلاردىڭ بوساۋىن كۇتكەن, دەپ حابارلادى ماڭعىستاۋ وبلىسى بويىنشا «ازاماتتارعا ارنالعان ۇكىمەت» مەملەكەتتىك كورپوراتسياسى» كە اق ءباسپاسوز قىزمەتى.
وتكەن اپتادا «ازاماتتارعا ارنالعان ۇكىمەت» مەملەكەتتىك كورپوراتسياسى كوروناۆيرۋس پاندەمياسى قاۋىپىنىڭ ساقتالۋىنا بايلانىستى مەملەكەتتىك قىزمەتتەردى كورسەتۋدىڭ جاڭا فورماتىن ۇسىندى, وعان سايكەس ازاماتتار حقو-دان تەك «قاعاز جۇزىندەگى» قىزمەتتەر مەن ونلاين تۇردە راسىمدەلگەن قىزمەتتەردىڭ ناتيجەلەرىن الا الادى. بۇل رەتتە قىزمەتتەردى تەك الدىن الا جاسالعان برونداۋ ارقىلى الۋعا بولادى. حالىققا قىزمەت كورسەتۋ ورتالىعىنا كەزەك ۋاقىتىن egov.kz پورتالى نەمەسە 1414 نومىرىنە قوڭىراۋ شالۋ ارقىلى بەلگىلەۋگە بولادى.
- «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ ماڭعىستاۋ وبلىسى بويىنشا فيليال ديرەكتورى ەربول بايجىگىتتىڭ ايتۋىنشا, كارانتين رەجىمىندە حقكو اشىلۋىن حالىقتىڭ كۇتكەنى بايقالدى. كەشەگى كۇننىڭ وزىندە اقتاۋلىق تۇرعىنداردىڭ 95-ءى جەكە كۋالىگى مەن پاسپورتىن جاڭارتتى. 44 تۇرعىن جۇرگىزۋشى كۋالىگىن الدى. بۇل وپەراتسيالاردىڭ بارلىعى الدىن الا برونداۋ بويىنشا جۇزەگە اسىرىلدى, - دەدى ەربول بايجىگىت.
ول, سونداي-اق كەزەككە تاپسىرىس بەرگەن كليەنتتەردىڭ قاتاڭ تۇردە بەلگىلەنگەن ۋاقىت ارالىعىندا كەلۋ كەرەكتىگىن ايتتى, سەبەبى برون ۋاقىتى ءوتىپ كەتسە, قايتا برونداۋ ءراسىمىن جاساۋ كەرەك. سونىمەن قاتار برون بارىسىندا تىركەلگەن جسن يەسى عانا ەلەكتروندى كەزەكتى پايدالانا الادى.
ەستەرىڭىزگە سالا كەتەيىك, 4 مامىردان باستاپ توتەنشە جاعداي ءتارتىبىن قامتاماسىز ەتۋ جونىندەگى شتابتاردىڭ شەشىمىمەن بىرقاتار ايماقتا حالىققا قىزمەت كورسەتۋ ورتالىقتارى اشىلدى. اتاپ ايتقاندا, قاراعاندى, اقتاۋ جانە ورال قالالارىندا جەكە تۇلعالارعا قىزمەت كورسەتۋ ءۇشىن الدىن الا برونداۋ ارقىلى حقو-لار اشىلدى, ال نۇر-سۇلتان قالاسى مەن اقمولا, اقتوبە, اتىراۋ, سولتۇستىك قازاقستان جانە تۇركىستان وبلىستارىندا حقو-لار شاعىن جانە ورتا بيزنەسكە قىزمەت كورسەتۋ ءۇشىن اشىلدى.
ماڭعىستاۋ وبلىسى