ونلاين ايتىس مارەسىنە جەتتى

توتەنشە جاعدايدا وتكەن العاشقى ANTIKOR ايتىسقا ەلىمىزدىڭ ءار وڭىرىنەن 16 جاس اقىن قاتىستى. جىر الامانى ءۇش اپتادان اسا ونلاين رەجيمدە ءوتتى. ءسوز سايىسىنىڭ جەڭىمپازدارىن كورەرمەندەر انىقتادى.

قازىلار القاسىنا مىرزاتاي جولداسبەكوۆ توراعالىق ەتتى. «مەن ومىرىمدە تۇرمە تۇزەتكەن ادامدى ەستىگەن ەمەسپىن, بىراق ادامدى ءسوز بەن تاربيە, وسيەت تۇزەيدى» دەپ ءسوز سويلەگەن ول ايتىستىڭ باس جۇلدەسىن ءوزى تاپسىردى.

فينالدا ەلوردالىق بەك شىمات پەن شىمكەنتتىك بەكجان بازاربەك باق سىنادى. كورەرمەندەردىڭ شەشىمىمەن بەك شىمات جەڭىسكە جەتىپ, التىن-وردا ديزاين ءۇيىنىڭ ء«تاڭىرى» ەكسكليۋزيۆتى ەتنو-ينستالياتسياسىن الدى. ال ءبىرىنشى ورىندى العان بەكجان بازاربەكتىڭ جۇلدەسى 400 مىڭ تەڭگە بولدى.

ودان كەيىنگى ورىندار نارتاي تىلەۋقۇل مەن نۇربول جاۋىنباەۆ ايتىسىندا انىقتالدى. كورەرمەندەردىڭ داۋىسى بەرۋ ناتيجەسى بويىنشا ەكىنشى ورىندى نۇربول جاۋىنباەۆ يەلەنىپ, 300 مىڭ تەڭگە اقشالاي سىيلىق الدى. ال ءۇشىنشى ورىنا تۇراقتاعان نارتاي تىلەۋقۇلعا 200 مىڭ تەڭگە تابىستالدى. 

سونىمەن قاتار قازىلار القاسىنىڭ توراعاسى ءار قاتىسۋشىعا ءوزىنىڭ سەگىز تومدىق شىعارمالار جيناعىن تارتۋ ەتتى. «التىن وردا» ديزاين ءۇيى دە قاتىسۋشىلارعا كادەسىيلار, #BIZBIRGEMIZ لوگوتيپى ۇلگىسىندەگى ەكسكليۋزيۆتى جاستىقتارىن سىيلادى.