بۇگىن سولتۇستىك قازاقستان تج دەپارتامەنتى باستىعىنىڭ ورىنباسارى, پولكوۆنيك نۇرلان اتىعاەۆ جۋرناليستەرگە وبلىستاعى ورتتەر مەن سۋ تاسقىنى بويىنشا بريفينگ بەردى.
تۇرعىنداردى جامان ىندەتتىڭ تارشىلىعى ءبىر جاعىنان قىسىپ جاتقاندا ءتىلسىز جاۋلاردىڭ قىسپاعى دا ەكىنشى جاقتان قويار ەمەس. جىل باسىنان بەرى ءبىزدىڭ شاعىن وبلىستا 16 ادامنىڭ ءومىرىن جالماعان 198 ءورت بولعان. وتكەن مەرەكە كۇنىنىڭ وزىندە عانا ەكى ءورت بولىپتى. مۇسىرەپوۆ اۋدانىنىڭ «چەرۆوننوە» سەلوسىندا بولعان ورتتە 1966 جىلى تۋعان ايەل كوز جۇمعان. ال پەتروپاۆلدىڭ ىرگەسىندەگى پريبرەجنوە سەلوسىندا بولعان ءورت تۋرالى ءبىز جازدىق. ەكى ءورتتىڭ دە شىعۋ سەبەبى, الدىن الا انىقتاۋلارعا قاراعاندا, وتقا نەمقۇرايلىقپەن قاراۋدىڭ سالدارىنان بولعان. سونىمەن بىرگە ەسكى قاۋدى كۇيدىرگەندە كەتكەن ورتتەر دە ءبىرشاما كوپ. وت جەلدىڭ ەكپىنىمەن كۇشەيىپ, تەز جايىلعاندىقتان جاقىن ماڭداعى تۇرعىنداردىڭ مۇلكى مەن مالىنا زيان كەلتىرگەن. «بۇگىنگى تاڭدا 560 گەكتار جەرگە تاراعان سونداي 400 ءورت بولدى. ءورت نەگىزىنەن ادامداردىڭ ورتكە ساقتىقپەن قاراماۋىنان بولادى. ولار دالاداعى وتتاردى سوندىرمەي تاستاپ كەتكەندىكتەن, ءتىپتى شىلىمنىڭ وشپەگەن تۇقىلىن تاستاپ كەتكەننەن تۇتانعان. وسىنداي جاعدايلاردى باقىلاۋ ءۇشىن ءبىز 55 ۇتقىر توپ قۇردىق. قۇرامىندا جەرگىلىكتى اتقارۋشى ورگانداردىڭ وكىلدەرى, ازاماتتىق قورعانىس ورگاندارىنىڭ قىزمەتكەرلەرى, جەرگىلىكتى پوليتسيا جانە ورمان شارۋاشىلىعىنىڭ جۇمىسكەرلەرى بولعان بارلىعى 232 ادامنان تۇرعان وسىنداي توپتار 200-دەن ارتىق رەيدتەر وتكىزدى. ولاردىڭ جۇمىستارى ءتيىمدى بولدى, وت قاۋپىن تۋدىرعان 71 ادامعا اكىمشىلىك جاۋاپكەرشىلىك جۇكتەلىپ, 230 مىڭ تەڭگەنىڭ ايىپپ ۇلى سالىندى», دەدى نۇرلان اتىعاەۆ.
ال سۋ تاسقىنىنا بايلانىستى حابارلاماسىندا ول وبلىستاعى قازىرگى جاعداي تۇراقتى ەكەنىن جەتكىزدى. گيدرولوگيكالىق بەكەتتەر سۋدىڭ قالىپتى جاعدايدا تومەندەۋىن باقىلاعان.
سولتۇستىك قازاقستان وبلىسى