بۇگىنگى كۇنگە جامبىل وبلىسىندا كوروناۆيرۋس ينفەكتسياسىن جۇقتىرۋدىڭ 152 دەرەگى تىركەلىپ وتىر. ونىڭ ىشىندە 48 ادام جازىلىپ شىققان. بىراق, وكىنىشكە قاراي 3 مامىر كۇنى تۇندە جامبىل وبلىسىنان ءبىر ادامنىڭ كوروناۆيرۋستان قايتىس بولعانى انىقتالدى.
رەسمي اقپارات بويىنشا, مارقۇم 1959 جىلى تۋعان ەر ادام بولىپ شىقتى. پاۆلودار وبلىسىنىڭ تۇرعىنى. مارقۇمنىڭ كوروناۆيرۋسپەن قوسا سوزىلمالى اۋرۋى دا بولعان ەكەن. جامبىل وبلىسىنىڭ شەكاراسىن كەسىپ وتكەن كەزدە ونىڭ دەنە قىزۋىنىڭ كوتەرىلگەنى بايقالىپ, ارتىنان ستاتسيونارعا جاتقىزىلعان. كەيىنىرەك الىنعان قان تالداۋلارىنىڭ ناتيجەسىندە ونىڭ كوروناۆيرۋس ىندەتىن جۇقتىرعانى بەلگىلى بولىپ, ەمدەۋ جۇمىستارى باستالادى. الايدا, وكىنىشكە قاراي, ناۋقاس كەشە تۇندە كوز جۇمادى.
جامبىل وبلىسى