نۇر-سۇلتان قالاسى اكىمىنىڭ ورىنباسارى نۇرلان نۇركەنوۆ ەسىل وزەنىنىڭ ارناسىن قالپىنا كەلتىرۋ جۇمىستارىنىڭ بارىسىن تەكسەردى. بۇل تۋرالى قالا اكىمدىگىنىڭ ءباسپاسوز قىزمەتى حابارلادى.
جوبانى ىسكە اسىرۋ سۋ تاسقىنى كەزىندە قالانى قاۋىپسىزدەندىرۋگە مۇمكىندىك بەرەدى, سونداي-اق كەمە قاتىناسىنىڭ دامۋىنا ىقپال ەتەدى.
«ەسىل وزەنىنىڭ ارناسىن قايتا جاڭارتۋ جانە كەڭەيتۋ جۇمىستارى جالعاسىپ جاتىر. قازىر جوبانىڭ بەسىنشى كەزەڭى. التىنشى كەزەڭگە كىرىسۋ تۋرالى شەشىم قابىلداندى. ارنا ءتۇبىن تەرەڭدەتۋ, وزەن جاعالاۋىن نىعايتۋ ارقىلى سۋدى كەدەرگىسىز وتكىزۋگە مۇمكىن بولدى. وزەن ارناسىن قايتا قۇرۋ الداعى جىلدارى دا سۋدى بوگەتسىز وتكىزۋدى قامتاماسىز ەتۋگە مۇمكىندىك بەرەدى»,- دەدى ن. نۇركەنوۆ.
جىل سوڭىنا دەيىن وزەندەگى سۋ دەڭگەيىن رەتتەۋگە مۇمكىندىك بەرەتىن بوگەت سالۋ جۇمىستارى اياقتالادى. اۋماق كوگالداندىرىلىپ, اباتتاندىرىلادى. سارىبۇلاق بۇلاعىن اباتتاندىرۋ جوباسى جۇزەگە اسىپ جاتىر.
«ەسىل وزەنىنىڭ ارناسىن قايتا جاڭارتۋ جوباسىنىڭ سوڭعى, التىنشى كەزەڭى 2021 جىلدىڭ كۇزىندە اياقتالادى. وزەن ءتۇبىن تەرەڭدەتۋ, جاعالاۋدى نىعايتۋ جۇمىستارى اياقتالادى», – دەپ اتاپ ءوتتى نۇركەنوۆ.