نەمىس كاسىپكەرلەرى داعدارىس كەزىندەگى مەملەكەتتىك كومەكتىڭ ەڭ ءتيىمدى نىسانىن اتادى

گەرمانيا - باي ەل. ەگەر كاسىپورىن وبەكتيۆتى سەبەپتەرگە بايلانىستى, قيىن قارجىلىق جاعدايعا تاپ بولسا جانە پەرسونالعا شىعىنداردى ازايتۋدىڭ باسقا جولىن قاراستىرماسا, جۇمىستان قىسقارتۋدىڭ ورنىنا وسى رەجىمدى قولدانا باستادى.  جۇمىس بەرۋشى ايلىق جالاقىنى جۇمىس ساعاتىنىڭ قىسقارتۋىنا بايلانىستى تولەۋگە كوشكەن. ەگەر, جۇمىس ساعاتىن نولدىك دەڭگەيگە تۇسىرسە, ايلىق جالاقىنى جۇمىس بەرۋشى ەمەس, جۇمىسسىزدىقتان ساقتاندىراتىن مەملەكەتتىك ساقتاندىرۋشى كومپانيالار تولەيدى.  

راس, وتەماقى تولىق ەمەس: الدىڭعى تازا تابىستىڭ 60 پايىزى, بالامەن - 67 پايىز. بىراق كەيبىر ءىرى فيرمالار قىسقارتىلعان جۇمىس كۇنىندە جىبەرىلگەن قىزمەتكەرلەرگە 80-گە دەيىن, ال كەيبىر جاعدايدا الدىڭعى جالاقىسىنىڭ 100 پايىزىنا دەيىن تولەۋگە كەلىسەدى. بۇل تاجىريبەلى جۇمىسشىلاردى جۇمىستان شىعارعاننان گورى تيىمدىرەك.

نەمىس ساراپشىلارى «كارانتيندىك پاندەمياعا بايلانىستى ەكونوميكالىق قيىندىقتارعا تاپ بولعان كاسىپكەرلەرگە كومەكتەسۋدىڭ ەڭ جاقسى ءادىسى قانداي؟» دەگەن ماسەلە جايلى ۇزاق ويلانىپ بارىپ, وسى جۇيەگە توقتاپتى. .

گەرمانياداعى 555 فيرما اراسىندا العاشقى وسىنداي ساۋالنامانى وتكىزگەننەن كەيىن كەلندەگى گەرمان ەكونوميكا ينستيتۋتى (دك): «داعدارىس كەزىندەگى ەڭ ماڭىزدى قۇرال - بۇل Kurzarbeit دەگەن قورتىندىعا كەلىپتى.

Kurzarbeit - مەملەكەتتىك بيزنەستى قولداۋدىڭ نەمىس مودەلى.

بۇل نەمىس تەرمينى ادەتتە ورىس تىلىنە «تولىق ەمەس جۇمىس ۋاقىتى» نەمەسە «قىسقارتىلعان جۇمىس ۋاقىتى» دەپ اۋدارىلادى. الايدا نەمىستىڭ Kurzarbeit مودەلى رەسەيدىڭ وسى تۇجىرىمدامالارعا ينۆەستيتسيا سالاتىنىنان مۇلدەم وزگەشە. وسى جىلدىڭ 30 ءساۋىر كۇنى ء«ساۋىر ايىنىڭ سوڭىندا گەرمانيادا 751 مىڭ فيرما Kurzarbeit رەجيمىنە قاتىسۋعا ءوتىنىش بەردى» دەپ حابارلادى گەرمانيانىڭ فەدەرالدى ەڭبەك اگەنتتىگى.

نەمىس ساراپشىلارى بۇل جۇيە   ءوزىنىڭ تيىمدىلىگىن 2008-2009 جىلدارداعى جاھاندىق قارجى-ەكونوميكالىق داعدارىس كەزىندەگى گەرمانيادا بولعان اۋىر داعدارىس كەزىندە دالەلدەگەنىن ايتادى. بۇل جاعدايدا ەكى نەگىزگى مىندەت شەشىلەدى. بىرىنشىدەن, كاسىپورىندارعا جارتىلاي نەمەسە ءتىپتى تولىق توقتاپ قالعان ۋاقىتتا بىلىكتى مامانداردى ۇستاپ تۇرۋعا جانە جاپپاي جۇمىستان شىعارۋعا جول بەرىلمەيدى. بۇل, مىسالى, گەرمانياعا ءتان ورتا جانە كىشى مامانداندىرىلعان ينجينيرينگتىك كومپانيالار ءۇشىن وتە ماڭىزدى: جاقسى دايىندالعان جۇمىسشىلاردى  جوعالتىپ العاننان كەيىن ءوندىرىستى قالپىنا كەلۋ مۇمكىندىگى دە تومەندەپ كەتەدى.

ەكىنشىدەن, كاسىپورىنداردىڭ جۇمىسشىلارىنا تۇراقتى كىرىستى قولايلى دەڭگەيدە ۇستاۋعا كومەكتەسەدى. شىنىندا دا, ەگەر ولار جۇمىسسىزدىق بويىنشا جاردەماقى الۋعا جۇگىنۋگە ءماجبۇر بولسا, بۇل مەملەكەتكە ودان دا كوپ شىعىن اكەلۋى مۇمكىن. ءىس جۇزىندە وتەماقى بەرۋ كەلەسىدەي بولادى: جۇمىس ءجۇرىپ تۇرعان كەزدە قىزمەتكەر كومپانياعا ايلىق جالاقىسىنىڭ بەلگىلى ءبىر پايىزىن جارنا رەتىندە تولەيدى. ساقتاندىرۋ كومپانياسىنان ەرەكشەلەگى كومپانيا جۇمىسشىلارىن وزدەرى ساقتاندىرادى.

قازىر سوڭعى مالىمەتتەر بويىنشا پاندەميادان زارداپ شەككەن فيرمالاردىڭ 81 پايىزى وسى جۇيەگە تاپسىرىس بەرىپتى. «ساۋالناما كاسىپورىنداردىڭ قارجىلىق مۇمكىندىكتەرى بولسا, ءوز قىزمەتكەرلەرىنە قامقورلىق جاسايتىندىعىن ناقتى كورسەتتى», دەيدى زەرتتەۋدىڭ تەڭ اۆتورى توماس شلەيمەرماچ. ول شتات جالاقى تولەۋدى ۋاقىتشا ءوز موينىنا العان فيرمالاردىڭ 32 پايىزى جۇمىسشىلارعا ەرىكتى تۇردە جالاقى تولەيتىنىن ايتتى. تاعى 6 پايىزى مۇنى تاريفتىك كەلىسىمدەردە قاراستىرىلعان كەلىسىمدەر شەڭبەرىندە جۇزەگە اسىرۋعا كەلىسكەن.  

بۇل قۇرالدىڭ تيىمدىلىگى گەرمانيادا 30 ساۋىردە جاريالانعان جۇمىسسىزدىق تۋرالى مالىمەتتەرمەن راستالدى. ناۋرىز ايىمەن سالىستىرعاندا جاردەماقى الۋعا ءوتىنىش بىلدىرۋشىلەر سانى شامامەن 300 مىڭعا ءوستى, بۇل گەرمانيا ءۇشىن وتە كوپ. ۇكىمەت  300 مىڭ ادامعا وتەماقى تولەگەننەن  گورى ولاردىڭ جۇمىس ساعاتىن قىسقارتا وتىرىپ, ايلىق جالاقىنى سوعان قاراپ تولەگەن الدەقايدا   ءتيىمدى دەگەن توقتامعا كەلگەن.