پرەزيدەنت جانىنداعى تج رەجيمىن قامتاماسىز ەتۋ جونىندەگى مەملەكەتتىك كوميسسيا الماتى قالاسىندا كاسىپورىنداردىڭ قىزمەتىن جالعاستىرۋدىڭ ءۇشىنشى كەزەڭىن ىسكە قوسۋدى ماقۇلدادى.
وسىلايشا, كاسىپورىنداردى ىسكە قوسۋدىڭ ءۇشىنشى كەزەڭى اياسىندا بيىلعى جىلدىڭ 4 مامىرىنان باستاپ قوسىمشا شاشتارازدار (الدىن-الا جازىلۋ بويىنشا), فوتوسالوندار مەن گۇل دۇڭگىرشەكتەرى, جىلجىمايتىن م ۇلىكپەن قىزمەت كورسەتەتىن كومپانيالارى, ايىرباستاۋ پۋنكتتەرى جۇمىسىن قايتا باستايدى.
قىزمەت كورسەتۋ سالاسى بويىنشا اياق كيىم جوندەۋ, حيميالىق تازالاۋ, باسپا ءىسى بويىنشا نىسانداردىڭ جۇمىسىن ىسكە قوسۋعا رۇقسات ەتىلگەن.
سونداي-اق, جۇمىس كەستەسى ساعات 17:00-گە دەيىن, الاڭى 500 شارشى مەترگە دەيىن جەكە تۇرعان ازىق-ت ۇلىكتىك ەمەس (سو, سوو جانە ءسۇ تىس) دۇكەندەردىڭ قىزمەتىنە رۇقسات بەرىلدى.
جالپى, قىزمەت كورسەتۋگە رۇقسات ەتىلگەن وسى سالالاردىڭ بارلىق كاسىپورىندارىنا الماتى قالاسىنىڭ باس مەملەكەتتىك سانيتارلىق دارىگەرىنىڭ «3-ءشى كەزەڭنىڭ جەكەلەگەن سالالارىنىڭ نىساندارى قىزمەتىنە شەكتەۋلەردى الىپ تاستاۋ ءتارتىبى تۋرالى» قاۋلىسىندا جازىلعان سانيتارلىق-ەپيدەميولوگيالىق نورمالاردى مىندەتتى تۇردە ساقتاۋ تالاپتارى تاراتىلاتىن بولادى.
شەكتەۋدى الىپ تاستاۋ جوسپارلانىپ وتىرعان بىرقاتار سالالار نىساندارى الگوريتمدى ورىنداعان جاعدايدا ءتيىستى سالالار ۇيىمدارىنىڭ قىزمەتىن جالعاستىرۋعا رۇقسات ەتىلەدى.
الگوريتم كەلەسى قادامدىق ارەكەتتەردى قامتيدى:
1. الماتى قالاسى باس مەملەكەتتىك سانيتارلىق دارىگەرىنىڭ «3-كەزەڭنىڭ جەكەلەگەن سالالارىنىڭ نىساندارى قىزمەتىنە شەكتەۋ قويۋ ءتارتىبى تۋرالى» قاۋلىسىمەن (بۇدان ءارى - قاۋلى) تانىسۋ;
2. قاۋلىنىڭ تالاپتارىنا سايكەس نىسانداردى دايىنداۋ;
3. دايىنداۋ پروتسەسى اياقتالعاننان كەيىن - infoalmaty.kz سايتىندا تىركەلىپ, نىساننىڭ قاۋلى تالاپتارىنا سايكەس دايىندالعانىن راستاپ, ەلەكتروندىق تسيفرلىق قولتاڭبامەن حابارلاماعا قول قويۋ ارقىلى كاسىپورىنداردا نورمالاردىڭ ساقتالۋىنا كەپىلدىك بەرەدى.
الماتى قالاسى تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى نىساندى تەكسەرۋ كەزىندە دۇرىس ەمەس اقپارات ۇسىنعان جانە قاۋلىدا جازىلعان تالاپتاردى ساقتاماعان جاعدايدا نىساننىڭ قىزمەتىن توقتاتۋعا دەيىن اكىمشىلىك شارالار قابىلدايتىن بولادى.
وتىنىمدەردى قابىلداۋ بيىلعى 3 مامىر كۇنى ساعات 09.00-دەن باستالادى. نىساندى ىسكە قوسۋ تەك قاۋلى تالاپتارىنا سايكەس نىسان دايىندالعان جانە infoalmaty.kz سايتىندا تىركەۋدەن وتكەن جاعدايدا عانا ىسكە اسادى.
اتالعان نىسانداردى اشۋ اياسىندا جۇمىسپەن قامتىلعاندار سانى 41,4 مىڭ ادامعا دەيىن ارتادى دەپ كۇتىلۋدە.