شىمكەنت قالاسىنىڭ تۇران شاعىن اۋدانىندا بۇگىندە 42 كوپ قاباتتى تۇرعىن ءۇيدىڭ قۇرىلىسى باستالعان. تاعى 26 تۇرعىن ءۇيدىڭ جوباسى ازىرلەنىپ جاتىر. ونىڭ ۇشىندە 16 قاباتتى 4 ءۇي, 8 قاباتتى 12 ءۇي, 9 قاباتتى 15 ءۇي بار. ولاردىڭ جوباسى مامىر ايىندا ساراپتامادان شىعادى دەپ كۇتىلۋدە.
مۇنان وزگە 20 كوپقاباتتى ءۇيدىڭ جوبالىق سمەتاسىن ازىرلەۋگە بايقاۋ جاريالانىپ, مەردىگەر مەكەمە انىقتالعان. جالپى جىل سوڭىندا دەيىن تۇران شاعىن اۋدانىندا 88 ءۇيدىڭ قۇرىلىسى باستالادى. بۇل جونىندە قۇرىلىس باسقارماسىنىڭ باسشىسى ەربول احمەتوۆ قالا اكىمى مۇرات دۇيسەنبەكوۆتىڭ الدىندا باياندادى.
«بۇگىندە تۇراندا «وتاۋ ستروي», «ارت قۇرىلىس», «اق ورداسى» سەكىلدى 7 مەردىگەر مەكەمە قۇرىلىس جۇمىستارىن جۇرگىزىپ جاتىر. بۇگىندە ىرگەتاس شۇڭقىرى قازىلىپ, بەتونداۋ جۇمىستارى ءجۇرىپ جاتىر»-دەدى ول.
ىرگەتاسى قالانىپ جاتقان ءاربىر ءۇيدىڭ قۇرىلىسىن ارالاپ كورگەن مۇرات دۇيسەنبەك ۇلى جۇمىس قارقىنىنا كوڭىلى تولمايتىنىن اشىپ ايتتى. قۇرىلىسشىلار سانىن كوبەيتىپ, جۇمىس قارقىنىن كۇشەيتۋدى تالاپ ەتتى. سالاعا جاۋاپتى باسشىلارعا باقىلاۋدى كۇشەيتۋدى تاپسىرىپ, اپتاسىن ەكى رەت ەسەپ الاتىنىن ەسكەرتتى.