الماتىلىق كاسىپكەر الماتى وبلىسىنداعى بىرنەشە اۋدانعا جانە ءوزىنىڭ تۋعان جەرى اقسۋ اۋدانىنداعى جەرلەستەرىنە كولىكتەرمەن ازىق-ت ۇلىك جەتكىزدى. ءارى قاسيەتتى رامازان ايىندا الىستان كەلگەن كومەكتەن ءار وتباسىنا 116 كەلىدەن تيەسىلى بولدى.
وسىلايشا تانىمال كاسىپكەر 500 جانۇيانى ازىق-ت ۇلىكپەن جارىلقادى دەسە دە بولادى. بۇل كومەك – توتەنشە جاعدايدىڭ جاريالانۋىنا بايلانىستى تابىسسىز قالعان, كۇنكورىسى تومەن جانۇيالارعا تاراتىلدى. «قايىرىمدىلىق كەرۋەنى» اتتى اۋىر جۇك كولىكتەرى ازىق-ت ۇلىكتى وبلىستىڭ ءۇش اۋدانىنا ءبىر اپتا بويى تاسىدى. العاشقى كومەك شالعايداعى اقسۋ اۋدانىنىڭ الەۋمەتتىك تۇرعىدا ءالجۋاز 200 جانۇياسىنا تەڭدەي ءبولىنىپ بەرىلدى.
«باسقا تۇسكەن قيىنشىلىق كەزىندە اۋىلدان شىققان ازاماتتار ەلىن ۇمىتپاي, حالىققا كومەگىن بەرىپ جاتىر. بۇنشاما ازىق-ت ۇلىكتى ساتىپ الۋعا اركىمنىڭ جاعدايى كەلمەيدى. سوناۋ الماتىدان وسىنشاما مول دۇنيە كەلەدى دەپ ويلاماپپىن. وسى ويلاپ, حالقىنا كومەك جىبەرگەن مولديار نۇرباەۆ دەگەن ازامات ەكەن. راقمەت ايتامىز اۋىل تۇرعىندارىنىڭ اتىنان», – دەدى بيكەن باەتوۆا
قوس كولىككە تيەلىپ جەتكەن ءار وتباسىنىڭ نەسىبەسى بىرنەشە ايعا جەتەدى. بۇل – 50 كەلى ۇن, 25 كەلى كۇرىش, 25 كەلى قانت, 10 كەلى ماكارون. 5 ليتر كۇنباعىس مايى مەن 1 كەلى شايى تاعى بار. ءار وتباسىنا جالپى جيىنتىعى 116 كەلدەن استام ازىق-ت ۇلىك تاراتىلدى. الىستان جەتكەن اماناتتى العان ادامنىڭ ءبىرى جاسى 90 اسقان بيعايشا ماشانوۆا.
«جاستار بۇنداي قاۋىپتى, قيىندىقتى كورمەسىن. دەرت كەلمەسىن. قازىر مىنا اۋرۋ قيىن بولىپ جاتىر. كۇندىز-ءتۇنى حالىم امان بولسىن دەپ ۋايىمدايمىن. جاستار جۇمىس تاپپاي قالعاندا بۇل ەلگە اجەپتاۋىر كومەك بولادى. ەلىن ويلاعان ازاماتتار امان بولىن», – دەپ باتاسىن بەردى قارت اجە قايىرىمدىلىق جاساعان جاندارعا.
الماتىدان جەتكەن ازىق-ت ۇلىكتى اۋدان اكىمدىگى قابىلداپ, وزدەرى جاساعان ءتىزىم بويىنشا تۇرعىندارعا تاراتتى. اقسۋلىقتار اۋىلدان 25 جىل بۇرىن كەتسە دە ارتىنداعى ەلىن ۇمىتپاعان ازاماتقا رازى. اتىمتاي جومارتتىعىمەن اتى شىققان مولديار نۇرباەۆ بىلتىر 54 جىل جۇردەلى جوندەۋ كورمەگەن اتاقتى مامانيا مەكتەبىن تولىقتاي جاڭارتىپ, قاجەتتى تەحنيكالىق جابدىقتاردان بولەك وقۋ ورىنا سۋ جاڭا اۆتكولىكتە الىپ بەرگەن ەدى.
«وتكەن جىلى اۋىل حالقى باۋ-باقشاسىن سۋارسىن, قينالماسىن دەپ مولديار قىلشىق ۇلى حالىققا 7 شاقىرىم جەردەن سۋ ارناسىن تارتىپ بەردى. بىلتىر الاشتىڭ ارداقتىسى ءىلياس جانسۇگىروۆتىڭ 125 جىلدىعىنا وراي اۋدان ورتالىعىنان اقىننىڭ الىپ ەسكەرتكىشىن تۇرعىزدى. بۇگىن مىنە توتەنشە جاعداي كەزىندە حالىققا تاعى قول ۇشىن بەردى. ۇلكەن-كىشىنىڭ اتىنان العىس ايتامىز», –دەدى اقسۋ اۋدانى ارداگەرلەر القاسىنىڭ توراعاسى ارناي امانتاەۆ.
قايىرىمدىلىق كومەك جامبىل مەن تالعار اۋداندارىنىڭ حالقىنا دا جىبەرىلدى. كۇن كورىسىن الماتىدان تاۋىپ جۇرگەن تۇرعىندار قازىر كارانتينگە بايلانىستى قالاعا كەلە الماي, تابىسىنان ايىرىلعان. اۋدان ورتالىعىنان 100 شاقىرىمداي جەردە تۇراتىن ايناگۇل ەسىمدى انانىڭ 8 بالاسى بار. ءسۇت ساتۋمەن عانا كۇن كورىپ جۇرگەن كوپ بالالى وتباسى قۋانىشتارىن جاسىرا الماي, العان ازىق-ت ۇلىك وزدەرىنە بىرنەشە ايعا دەيىن جەتەتىنىن ايتتى.
«كوپ-كوپ راقمەت. قۋانىشتىمىز. جامبىل اۋدانىنا قاراستى تاۋدىڭ تۇبىندەگى سۇڭقار دەگەن 5-6 عانا ءۇيى بار بولىمشەدە تۇرامىز. موشەكتەپ بەرىلگەن كۇرىش, قانت ۇن بىزگە بەس-التى اي ازىق بولادى. ۇلكەن بالامىز ەندى عانا 18 جاسقا تولسا, كىشىمىز نەبارى 5 جاستا. العىسىمىز شەكسىز, اللانىڭ نۇرى جاۋسىن وسىنداي ورازا ايىندا يگى ءىستى جاساعان مولديار اعاعا» , – دەدى شىنىباي مەن ايناگۇل ەسىمدى كوپ بالالى اتا-انا.
تۇرعىندار ءبىر جارىم ايدان اسا كارانتيندە جاتقان تۇرعىنداردىڭ قينالا باستاعانىن ايتادى. ال مەتسەنات وسىنداي قيىن ساتتە عانا ەمەس, ەل بىرلىگى ءۇشىن ازاماتتار پرەزيدەنتىڭ باستاماسىن قولداپ, كومەك قولىن سوزۋ قاجەت دەپ سانايدى.
«پرەزيدەنتىمىز توقاەۆ قاسىم-جومارت كەمەل ۇلى تەك وسى كارانتين كەزىندە حالىققا بىرنەشە رەت ۇندەۋ جاسادى. ۆيرۋستىڭ قاۋىپتى ەكەنىن, حالىققا قيىن سوعىپ جاتقانىن ءتۇسىندىردى. مەملەكەتتى دامىتۋ جولىندا ەل ازاماتتارىنا ءۇمىت ارتاتىنىن العاشقى جولداۋىندا دا ايتتى. سوندىقتان بۇنداي ساتتە قولىندا قارجىسى ءار ازامات ءوزىن ويلاي بەرمەي, ەلگە, حالىققا شاماسىنشا كومەك قولىن سوزۋ كەرەك دەپ سانايمىن. 60 توننا ازىق-ت ۇلىكتى الىپ, تاراتىپ بەرۋدى ءجون سانادىم. مەملەكەت باسشىسى قانداي تاپسىرما بەرسەدە ورانداۋعا تىرىسام. شىن مىقتى مەملەكەتتەن كومەك سۇراي بەرمەي, ەلگە قىزمەت قىلۋ كەرەك», – دەدى الماتى وبلىسى «گاز شارۋاشىلىقتارىنىڭ قاۋىمداستىعى» زاڭدى تۇلعالار بىرلەستىگىنىڭ توراعاسى مولديار نۇرباەۆ.
بۇگىندە جاسى 70 اسسا دا اتتان تۇسپەگەن كاسىپكەر وڭىرگە اتىمتاي جومارتتىعىمەن تانىلعان. وبلىستان بولەك الماتىنىڭ ناۋرىزباي اۋدانىنداعى جانە قالاعا ىرگەلەس جاتقان ەلدى مەكەندەردەگى تاعى ءجۇز جانۇياعا دا قولۇشىن سوزدى. قايىرىمدىلىق جاساۋدان قايتپاعان مولديار نۇرباەۆ جامبىل, تالعار, قاراساي جانە نارۋىزباي اۋداندارىن كوگىلدىر وتىنمەن قامتاماسىز ەتىپ كەلەدى. الدىنا كەلگەن جاننىڭ ماسەلەسىن شەشۋگە قاشاندا قول ۇشىن سوزاتىن ازامات الماتى وبلىسىنىڭ, سونداي-اق اقسۋ, جامبىل سىندى بارلىعى ءتورت اۋداننىڭ قۇرمەتتى ازاماتى اتانعان. «التىن جۇلدىز» يەگەرى, «قۇرمەت» وردەنى, «پاراسات» وردەنى سىندى كوپتەگەن اتاقتاردىڭ يەسى اتانعان مولديار نۇرباەۆ قاسيەتتى رامازان ايىندا حالىققا جەڭىلىكپەن گاز تارتۋ جۇمىستارىن ءارى قاراي جالعاستىرماق. ءوزى باسقاراتىن كومپانياداعى الەۋمەتتىك جاعدايى ناشارلاۋ 117 جۇمىسشىنىڭ ارقايسىسىنا 45 مىڭ تەڭگەدەن تاعى دا اقشالاي كومەك بەرگىزدى. ايتپاقشى, حالىقتى گازبەن قامتاماسىز ەتىپ كەلە جاتقان كومپانياداعى 300-گە جۋىق جۇمىسشى كۇندەلىكتى تەگىن تۇستەنەدى ەكەن.
الماتى