الداعى 4 مامىردان باستاپ نۇر-سۇلتان قالاسى مەن باتىس قازاقستان, قاراعاندى جانە ماڭعىستاۋ وبلىستارى اكىمدىگىنىڭ جانىنداعى توتەنشە جاعداي ءتارتىبىن قامتاماسىز ەتۋ جونىندەگى شتابتارىنىڭ شەشىمىمەن وسى ايماقتاردا حقو-لار قايتادان جۇمىس ىستەي باستايدى.
الايدا, ۆيرۋستىڭ تارالۋ قاۋپى مەن قازاقستاندىقتاردىڭ ءومىرى مەن دەنساۋلىعىنا الاڭداۋشىلىقتىڭ ساقتالۋىنا بايلانىستى حالىققا قىزمەت كورسەتۋ ورتالىقتارىنىڭ جۇمىس ءتارتىبىن وزگەرتۋ تۋرالى شەشىم قابىلداندى.
وزگەرىستەر حقو-دا كورسەتىلەتىن مەملەكەتتىك قىزمەت تۇرلەرىن, ولاردى ۇسىنۋ فورماتىن دا قامتيدى.
– ەندى قازاقستاندىقتار حقو-دا ەلەكتروندى فورماتتا قولجەتىمسىز, تەك «قاعاز» جۇزىندە كورسەتىلەتىن قىزمەتتەر مەن egov.kz ارقىلى راسىمدەلگەن وتىنىشتەردىڭ ناتيجەسىن الا الادى.
– حقو-عا بارۋ ءۇشىن 1414 بايلانىس ورتالىعى نەمەسە نەمەسە egov.kz سايتىنداعى ارنايى سەرۆيس ارقىلى كەزەك ۋاقىتىن الدىنا الا برونداۋ قاجەت بولادى.
بۇل حالىقتىڭ حقو-دا كوپتەپ جينالۋىن بولدىرمايدى جانە ۆيرۋستى جۇقتىرۋ قاۋپىن جويادى, وسى رەتتە قىزمەت الۋشىلار دا ءوز ۋاقىتىن ۇنەمدەيدى. الدىن الا برونداۋسىز ەش قىزمەت كورسەتىلمەيدى.
ازاماتتار ەلەكتروندى فورماتقا اۋدارىلعان جانە egov.kz پورتالىندا قولجەتىمدى بارلىق مەملەكەتتىك قىزمەتتىڭ 80%-دان استامىن تەك وزدىگىنەن نەمەسە بۇرىنعىداي حقو عيماراتتارىندا ەمەس, اكىمدىكتەر جانىنداعى كەڭسەلەردە, وقۋ ورىندارىندا, مەديتسينالىق ۇيىمداردا جانە ت.ب. جەردە ورنالاستىرىلاتىن وزىنە-ءوزى قىزمەت كورسەتۋ سەكتورلارىندا الا الادى.
ونلاين قىزمەتتەردى جىلدام ءارى ىڭعايلى الۋ ءۇشىن ازاماتتار 1414 نومىرىنە حابارلاسا الادى, وندا حقو وپەراتورلارى كەڭەس بەرەتىن بولادى.
ايتا كەتۋ كەرەك, كارانتين جاريالانعالى بەرى قازاقستاندىقتار egov.kz ەلەكتروندى ۇكىمەت پورتالى, تەلەگرامداعى eGovKzBot2.0 بوتى جانە eGovMobile موبيلدىك قوسىمشاسى ارقىلى ءوز بەتىنشە ونلاين تۇردە 10.5 ميلليوننان استام مەملەكەتتىك قىزمەتتى العان.
دەگەنمەن, 3 ساناتتاعى ازاماتتار, ياعني زەينەتكەرلەر, كوپ بالالى وتباسىلار جانە مۇگەدەكتەر ەلەكتروندىق قىزمەتتەردى حقو-دان الا الادى. ءار فرونت-وفيستە ولار ءۇشىن جەڭىلدىك تەرەزەسى جۇمىس ىستەيدى. سونداي-اق ولار دا حقو-عا باراتىن ۋاقىتىن الدىن الا برونداۋى كەرەك.
«ازاماتتارعا ارنالعان ۇكىمەت» مەملەكەتتىك كورپوراتسياسىنىڭ باسقارما ءتورايىمى اسەمگۇل بالتاشەۆانىڭ ايتۋىنشا, كوروناۆيرۋس پاندەمياسى كوپتەگەن پروتسەستە, ونىڭ ىشىندە مەملەكەتتىك قىزمەت كورسەتۋ ىسىندە دە وزگەرىستەردىڭ قاجەت ەكەنىن كورسەتتى.
«جاڭا ەرەجەلەردىڭ پايدا بولۋى زاڭدى. ءبىر-ءبىرىمىزدى قورعاۋ ءۇشىن ءبىز حقو جۇمىس فورماتىن وزگەرتۋگە ءماجبۇرمىز. ءبىزدىڭ ەكى مىڭنان استام قىزمەتكەرىمىز سىزگە 1414 بايلانىس ورتالىعى جانە ۆيرتۋالدى اسسيستەنتتىڭ بەينەقوڭىراۋى ارقىلى ازاماتتارعا ەلەكتروندىق قىزمەتتەردى قاشىقتان الۋعا كومەكتەسەدى», – دەپ قورىتىندىلادى بالتاشەۆا.
ول سونداي-اق, اتالعان وزگەرىستەردىڭ نۇر-سۇلتان, الماتى, شىمكەنت قالالارى مەن وبلىس ورتالىقتارىنداعى حقو جۇمىسىن قامتيتىنىن اتاپ ءوتتى. ال اۋدان ورتالىقتارى مەن اۋىلدى جەرلەردەگى حقو جۇمىسى ەش وزگەرىسكە ۇشىرامايدى.