بۇل تۋرالى وبلىستىق كاسىپكەرلەر پالاتاسىنىڭ ءبولىم باستىعى جاسۇلان سەرىكوۆ ايتتى.
ءساۋىر ايىنىڭ ەكىنشى ونكۇندىگىندە كاسىپكەرلەر پالاتاسىنا قازاقستان ومارتاشىلارىنىڭ «بال-ارا» ۇلتتىق وداعىنان ء وتىنىش تۇسكەن. كارانتينگە وراي وسى كاسىپ يەلەرىنىڭ ەلدى-مەكەننەن القاپتارعا كىرىپ-شىعۋدا ايتارلىقتاي قيىندىقتارعا كەزدەسىپ وتىرعاندىعى جازىلعان حات بويىنشا پالاتا ماماندارى جۇمىس ىستەدى.
-ارىپتەستەرمەن اقىلداسا كەلە, ومارتاشىلارعا عانا ارنالعان ونلاين-ءوتىنىم بەرۋ فورماسىن ازىرلەدىك. اتالمىش فورمادا ومارتاشىنىڭ اتى-ءجونى, كولىگىنە, ءجۇرىپ-تۇراتىن مارشرۋتىنا قاتىستى اقپاراتتى قامتيتىن ساۋالدار بولدى. سىلتەمەسىن whatsapp جەلىسى ارقىلى جولداپ, ءوتىنىم تۇسكەننەن كەيىن ونى تولتىرعان ازاماتتىڭ وسى كاسىپپپەن اينالىساتىندىعىن «بال-ارا» ۇلتتىق وداعىمەن راستاپ وتىردى. ناتيجەسىندە 16 ساۋىردەن بەرى وبلىس بويىنشا 95 ومارتاشىنى اۆتوكولىكتەرىمەن تىركەدىك, – دەيدى كاسىپكەرلەر پالاتاسىنىڭ ءبولىم باستىعى.