2013 جىلعى 18 ماۋسىم, استانا, ۇكىمەت ءۇيى
«ۇلتتىق عىلىمي كەڭەستەر تۋرالى» قازاقستان رەسپۋبليكاسى ۇكىمەتىنىڭ 2011 جىلعى 16 مامىرداعى № 519 قاۋلىسىنا وزگەرىس ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:1. «ۇلتتىق عىلىمي كەڭەستەر تۋرالى» قازاقستان رەسپۋبليكاسى ۇكىمەتىنىڭ 2011 جىلعى 16 مامىرداعى № 519 قاۋلىسىنا (قازاقستان رەسپۋبليكاسىنىڭ ءپۇاج-ى, 2011 ج., № 38, 468-قۇجات) مىناداي وزگەرىس ەنگىزىلسىن:كورسەتىلگەن قاۋلىمەن بەكىتىلگەن ۇلتتىق عىلىمي كەڭەستەر تۋرالى ەرەجە وسى قاۋلىعا قوسىمشاعا سايكەس جاڭا رەداكتسيادا جازىلسىن.2. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.قازاقستان رەسپۋبليكاسىنىڭ پرەمەر-ءمينيسترى س.احمەتوۆ.
قازاقستان رەسپۋبليكاسى ۇكىمەتىنىڭ 2013 جىلعى 18 ماۋسىمداعى № 619 قاۋلىسىنا قوسىمشاقازاقستان رەسپۋبليكاسى ۇكىمەتىنىڭ 2011 جىلعى 16 مامىرداعى № 519 قاۋلىسىمەن بەكىتىلگەن
ۇلتتىق عىلىمي كەڭەستەر تۋرالى ەرەجە
1. جالپى ەرەجەلەر1. وسى ۇلتتىق عىلىمي كەڭەستەر تۋرالى ەرەجە (بۇدان ءارى – ەرەجە) «عىلىم تۋرالى» 2011 جىلعى 18 اقپانداعى قازاقستان رەسپۋبليكاسىنىڭ زاڭىنا سايكەس ازىرلەندى جانە ۇلتتىق عىلىمي كەڭەستەر (بۇدان ءارى – كەڭەستەر) قىزمەتىنىڭ قۇقىقتىق جانە ۇيىمداستىرۋشىلىق نەگىزدەرىن ايقىندايدى.2. كەڭەستەر عىلىمي جانە (نەمەسە) عىلىمي-تەحنيكالىق قىزمەتتىڭ دامۋ باعىتتارى بويىنشا القالى ورگاندار بولىپ تابىلادى.3. كەڭەستەر قازاقستان رەسپۋبليكاسىنىڭ الەۋمەتتىك-ەكونوميكالىق دامۋىنىڭ مەملەكەتتىك باسىمدىقتارىنا سايكەس عىلىم باعىتتارى بويىنشا قۇرىلادى.4. كەڭەستەردىڭ جۇمىسىن ۇيىمداستىراتىن مەملەكەتتىك عىلىمي-تەحنيكالىق ساراپتاما ۇلتتىق ورتالىعى (بۇدان ءارى – ساراپتاما ورتالىعى) كەڭەستەردىڭ جۇمىس ورگانى بولىپ تابىلادى.
2. كەڭەستەردىڭ قۇرامى5. كەڭەستەردىڭ قۇرامى ءۇش جىل مەرزىمگە بەكىتىلەدى جانە مۇشەلەردىڭ تاق سانىنان قۇرالۋى ءتيىس. 6. كەڭەستەردىڭ قۇرامدارىن عىلىم سالاسىنداعى ۋاكىلەتتى ورگان سالالىق ۋاكىلەتتى ورگانداردىڭ, عىلىمي ۇيىمداردىڭ, جوعارى وقۋ ورىندارى مەن عىلىمي-قوعامدىق بىرلەستىكتەردىڭ ۇسىنىستارى مەن ۇسىنىمدارى بويىنشا قازاقستاندىق جانە شەتەلدىك قۇزىرەتتى عالىمداردىڭ, مەملەكەتتىك ورگانداردىڭ, ۇلتتىق باسقارۋشى حولدينگتەردىڭ, ۇلتتىق دامۋ ينستيتۋتتارىنىڭ, ۇلتتىق حولدينگتەردىڭ, ۇلتتىق كومپانيالاردىڭ, جەكە كاسىپكەرلىك سۋبەكتىلەرىنىڭ وكىلدەرى قاتارىنان قالىپتاستىرادى جانە ولاردى قازاقستان رەسپۋبليكاسىنىڭ ۇكىمەتى بەكىتەدى. 7. كەڭەستەردىڭ قۇرامىنا سايلاناتىن قازاقستاندىق عالىمداردىڭ ماماندىعى بويىنشا كەمىندە 10 جىل جۇمىس ءوتىلى جانە سوڭعى 5 جىلدا ماماندىعى بويىنشا كەمىندە 2 حيرشا يندەكسى بار بولۋى ءتيىس. گۋمانيتارلىق, قوعامدىق, ساياسي جانە الەۋمەتتىك عىلىمدار سالاسىندا مامانداندىرىلعان عالىمدارعا سوڭعى 5 جىلدا ماماندىعى بويىنشا كەمىندە 2 حيرشا يندەكسىنىڭ بولۋ تالابى قولدانىلمايدى.8. قازاقستاندىق عالىمداردى كەڭەستەردىڭ قۇرامىنا ىرىكتەۋ عىلىم سالاسىنداعى ۋاكىلەتتى ورگان قۇراستىرعان, سوڭعى 5 جىل ىشىندەگى عالىمداردىڭ حيرشا يندەكسى بويىنشا رانجيرلەنگەن جاريالانىمدارى ءتىزىمىنىڭ نەگىزىندە جۇرگىزىلەدى. بۇل رەتتە كەڭەستەردىڭ قۇرامىنا وسى تىزىمگە سايكەس كوبىرەك حيرشا يندەكسى بار عالىمدار ىرىكتەلەدى.9. كەڭەستەر قۇرامىنىڭ جيىرما پايىزدان اسپايتىن, بىراق ءاربىر كەڭەستە ءبىر مۇشەدەن كەم ەمەس بولىگى الەمدەگى جەتەكشى عىلىمي نەمەسە عىلىمي-ءبىلىم بەرۋ ۇيىمدارىنىڭ وكىلدەرى بولىپ تابىلاتىن, اعىلشىن ءتىلىن ەركىن مەڭگەرگەن جانە سوڭعى 5 جىلدا كەمىندە 10 حيرشا يندەكسى بار شەتەلدىك عالىمدار قاتارىنان قالىپتاسادى.10. كەڭەستەر قۇرامىنىڭ جيىرما پايىزدان اسپايتىن بولىگى مەملەكەتتىك ورگانداردىڭ (عىلىم سالاسىنداعى ۋاكىلەتتى ورگان وكىلدەرىن قوسپاعاندا), ۇلتتىق باسقارۋشى حولدينگتەردىڭ, ۇلتتىق دامۋ ينستيتۋتتارىنىڭ, ۇلتتىق حولدينگتەردىڭ, ۇلتتىق كومپانيالار مەن جەكە كاسىپكەرلىك سۋبەكتىلەرىنىڭ وكىلدەرىنەن قالىپتاسادى. 11. كەڭەس قۇرامىنىڭ جيىرما پايىزدان استامىن قۇرايتىن ءبىر ۇيىمنىڭ قىزمەتكەرلەرى جانە كەڭەستىڭ باسقا مۇشەسىنىڭ تىكەلەي باعىنىسىنداعى ادامدار كەڭەس قۇرامىنا سايلانبايدى. 12. ءاربىر كەڭەستە قازاقستاندىق عالىمدار ىشىنەن توراعا جانە توراعانىڭ ورىنباسارى سايلانادى. 13. كەڭەس توراعاسى ونىڭ قىزمەتىن باسقارادى, كەڭەستەردىڭ وتىرىستارىندا توراعالىق ەتەدى, كەڭەستىڭ جۇمىسىن جوسپارلايدى جانە ءوز قىزمەتى شەڭبەرىندە مەملەكەتتىك ورگاندارمەن, سونداي-اق باسقا دا ۇيىمدارمەن ءوزارا ءىس-قيمىل جۇرگىزۋ كەزىندە كەڭەستىڭ اتىنان وكىلدىك ەتەدى. 14. توراعا بولماعان جاعدايدا ونىڭ فۋنكتسيالارىن ورىنباسارى اتقارادى. 15. توراعا كەڭەس مۇشەلەرىنىڭ اراسىنان حاتتامانى رەسىمدەۋگە جاۋاپ بەرەتىن كەڭەستىڭ حاتشىسىن ايقىندايدى. كەڭەستىڭ حاتشىسى كەڭەس شەشىمدەر قابىلداعان كەزدە داۋىس بەرۋ قۇقىعىنا يە.
3. كەڭە