قىزىلوردا وبلىسىندا كوروناۆيرۋس ينفەكتسياسىن جۇقتىرعاندار سانى 187-گە جەتتى. بۇل تۋرالى وڭىرلىك كوممۋنيكاتسيالار قىزمەتىنىڭ اقپاراتتىق الاڭىندا وبلىستىق دەنساۋلىق ساقتاۋ باسقارماسىنىڭ باسشىسى جاقسىلىق ابدىسامەتوۆ مالىمدەدى.
سوڭعى تاۋلىكتە جاڭادان 5 جاعداي انىقتالدى. ولاردىڭ بەسەۋى دە قىزىلوردا قالاسىنان. ءبىر تۇرعىننان پنەۆمونياعا بايلانىستى ەمحاناعا كورىنىپ, تەست سىناماسىن الۋ بارىسىندا بەلگىلى بولدى. ال تورتەۋى ىندەت جۇقتىرعاندارمەن قارىم-قاتىناستا بولىپ, باقىلاۋعا الىنعان ازاماتتار. قازىرگى تاڭدا ناۋقاستاردىڭ جاعدايى بىرقالىپتى , ەمدەرىن حاتتاماعا سايكەس الۋدا, – دەدى باسقارما باسشىسى.
سالا باسشىسى بۇگىننەن باستاپ كارانتين تالاپتارى جەڭىلدەتىلگەنىن ايتتى. بىراق, قوعامدىق كولىكتەردە, دۇكەندە, كوشەدە بارىنشا ارا قاشىقتىق ساقتاپ, ادامداردىڭ شوعىرلانۋىن بولدىرماۋعا ءمان بەرۋ كەرەك.