وتاندىق IT-مامانداردىڭ قولعابىسى

تسيفرلىق دامۋ ۆيتسە-ءمينيسترى ابىلايحان وس­پانوۆتىڭ ايتۋىنشا, تو­تەنشە جاعداي كەزىندە كوپ­تەگەن IT-كومپانيا الەۋ­مەتتىك جاۋاپكەرشىلىك الىپ, كومەك قولىن سوزدى.

«ەلىمىزدەگى ءىت-قو­عام­داستىقتىڭ وزىنە الەۋ­مەت­تىك جاۋاپكەرشىلىك العان  ساتتەرى از ەمەس. ارىپ­تەس­تەر ازاماتتارعا جاڭا ءومىر سالتىنا بەيىم­دەلىپ, قىزمەت­تەردى قاشىق­تان الۋعا قاجەت­تى ءتۇرلى ازىر­لەمەلەر جاساۋعا بەل­سەندى قاتىستى», دەپ اتاپ ءوتتى ا.وسپانوۆ.

مىسالى, ەتسق-نى قا­شىق­تان الۋ قىزمەتىن «ۇلت­تىق اقپاراتتىق تەحنولوگيالار» اق BTS Digital كومپانياسىمەن بىرلەسىپ ىسكە اسىردى. كومپانيا قاشىقتان سايكەستەندىرۋ سەرۆيسىن تەگىن ۇسىندى. بۇگىندە 215 مىڭنان اسا قازاقستاندىق ەتسق-نى ونلاين رەسىمدەدى. دەنساۋلىق ساقتاۋ سالاسىنا قاتىستى 15 ءتۇرلى شەشىم بار. اتاپ ايتقاندا, ۇلتتىق ساراپتاما ورتالىعىندا زەرتحانالىق زەرتتەۋلەر جۇرگىزۋ پروتسەسى اۆتوماتتاندىرىلدى, COVID-19 دەرەكتەردى باسقارۋ جۇيەسى قۇرىلدى. Smart Astana ءموبيلدى قوسىمشاسىندا «مەن كارانتيندەمىن» فۋنكتسياسى ىسكە قوسىلدى, ال eGov mobile-دا COVID-19 تەستىلەۋ ءۇشىن ساۋالدامانى تولتىرۋ مۇمكىندىگى پايدا بولدى. ايتا كەتۋ كەرەك, بۇل شەشىم­دەردىڭ باسىم بولىگى تەگىن جاسالدى.

Help.coronavirus2020kz­ پور­تالىن ىسكە قوسۋ – وتاندىق ايتيشنيكتەردىڭ جۇمىسىنىڭ ناتيجەسى. وسىمەن بىرگە ەكىنشى دەڭ­گەيلى بانكتەر شوتتى ونلاين اشۋ قىزمەتىن شۇعىل تۇردە ۇسىندى. بلوك-بەكەتتەردەن ءوتۋ ءراسىمىن تەزدەتۋ ءۇشىن iQala.kz پورتالىندا Qorgan ­سەرۆيسى, سونداي-اق جۇك­ تاسى­مالداۋشىلارعا بەرىلەتىن رۇقساتتى ەلەكتروندى تەكسەرۋ قىزمەتى جانە ت.ب. ىسكە قوسىلدى. IT-كومپانيالار قازاقستاندىقتارعا ءبىلىم بەرۋ سالاسىنداعى ءوز ونىم­دەرىن پايدالانۋدا بىرقاتار جەڭىلدىك ۇسىندى. مىسالى, Bilim media Group جانە Daryn Online پلاتفورما­لارى ءوز سەرۆيستەرىن اقى­سىز رەجىمگە كوشىردى. Platonus كومپانياسى 1 شىل­دەگە دەيىن ەلدەگى بۇكىل كوللەدجدەردى ءوز جۇيەسىنە تەگىن قوسۋعا نيەتتى. «ورلەۋ» يننوۆاتسيالىق تەحنولوگيا­لار ورتالىعى قاشىقتان وقىتۋ جانە تەستىلەۋ جۇيەسىن تەگىن ۇسىندى. وتاندىق بايلانىس وپەراتورلارى بولسا, بارلىق ءبىلىم بەرۋ رەسۋرستارى ءۇشىن جۇمسالعان ترافيكتى تاريفتەمەيتىن بولدى.