ءسات سايىن عىلىم دامىپ, وركەندەپ كەلەدى. ءاربىر سالانىڭ كۇردەلى ماسەلەلەرىنە قاتىستى جاۋاپتى دا عىلىمنان تابۋعا بولادى. تاراز قالاسىنداعى نازارباەۆ زياتكەرلىك مەكتەبىنىڭ 10-سىنىپ وقۋشىسى اياۋلىم ءادىلوۆا بانان مەن اپەلسين قالدىعىنان اۋىل شارۋاشىلىعىنا قاجەتتى ورگانيكالىق تىڭايتقىش ءوندىرۋدى ۇسىنۋدا. جاس عالىم كۇندەلىكتى تۇرمىستا پايدا بولاتىن قالدىقتاردى, سونىڭ ىشىندە بانان مەن اپەلسين قالدىقتارىن تىڭايتقىش رەتىندە قولدانۋ ارقىلى بىرقاتار اگرارلىق ماسەلەنى شەشۋگە بولاتىنىن ايتادى.
«قازىر كوبىنە وسىمدىك شارۋاشىلىعىندا ادام دەنساۋلىعى مەن قورشاعان ورتاعا زياندى حيميالىق زاتتار قولدانىلادى. وعان بالاما رەتىندە بيولوگيالىق تىڭايتقىش – بانان مەن اپەلسين قالدىعىن قولدانۋدى ۇسىنامىن. زەرتتەۋ جۇمىسىمنىڭ بارىسىندا ءتۇرلى تاجىريبەلەر جاساپ, وڭ ناتيجەلەرگە قول جەتكىزدىم», دەيدى اياۋلىم ءادىلوۆا. جاس عالىم حيميا ءپانىنىڭ مۇعالىمى ەلميرا اكىموۆانىڭ جەتەكشىلىگىمەن تاجىريبەلەر جاساپ, اتالعان ورگانيكالىق قالدىقتاردىڭ پايدالى ەلەمەنتتەرگە باي ەكەنىن جانە شارۋاشىلىقتاعى تيىمدىلىگىن انىقتاپتى. سونىمەن قاتار اياۋلىم ءساۋىر ايىندا وتەتىن ءىII حالىقارالىق «حيميك-زەرتتەۋشى» ۇزدىك عىلىمي جوبا سايىسىنا شاقىرتۋ العان ەكەن. بۇگىندە اتالعان شاراعا دايىندىق ۇستىندە. «ەلىمىز قاۋىپتى ىندەتتى ەڭسەرىپ, كارانتين اياقتالسا, مىندەتتى تۇردە جارىسقا قاتىسامىز دەپ وتىرمىز. قازىر وقۋشىم ەكەۋمىز كۇندەلىكتى Skype ارقىلى كەزدەسىپ, جوبانى دامىتۋ ۇستىندەمىز», دەيدى ءپان مۇعالىمى.
جامبىل وبلىسى