«دامۋ-كومەك» باعدارلاماسى ءمۇمكىندىگى شەكتەۋلى جاندار اراسىنداعى كاسىپكەرلەر ءۇشىن دەمەۋشىلەر تاۋىپ بەرىپ, قامكوڭىل جانداردىڭ العىسىنا بولەنىپ ءجۇر. بۇل جۇمىس ودان ءارى جالعاستىرىلۋدا. جاقىندا «دامۋ» قورىنىڭ اقتوبە ايماقتىق فيليالى ەكىنشى توپتاعى مۇگەدەك سالتانات سالحادينوۆاعا دەمەۋشىلىك كومەك ۇيىمداستىردى. قور سالتانات جاعىپارقىزىنا سۋ جاڭا نوۋتبۋك سىيلادى.
«دامۋ-كومەك» باعدارلاماسى ءمۇمكىندىگى شەكتەۋلى جاندار اراسىنداعى كاسىپكەرلەر ءۇشىن دەمەۋشىلەر تاۋىپ بەرىپ, قامكوڭىل جانداردىڭ العىسىنا بولەنىپ ءجۇر. بۇل جۇمىس ودان ءارى جالعاستىرىلۋدا. جاقىندا «دامۋ» قورىنىڭ اقتوبە ايماقتىق فيليالى ەكىنشى توپتاعى مۇگەدەك سالتانات سالحادينوۆاعا دەمەۋشىلىك كومەك ۇيىمداستىردى. قور سالتانات جاعىپارقىزىنا سۋ جاڭا نوۋتبۋك سىيلادى.
ول مۇمكىندىگى شەكتەۋلى بولسا دا ەكى بالا ءوسىرىپ وتىرعان قايسار انا. ماماندىعى بويىنشا – تاۋارتانۋشى, بۋحگالتەرلىك ەسەپ بويىنشا وقىتۋ كۋرستارىنان وتكەن. سوڭعى 20 جىل بويى ول بۋىن اۋرۋىمەن اۋىرادى. الايدا, قول قۋسىرىپ قاراپ وتىرۋدى جانى قالامايتىن سالتانات بۋحگالتەرلىك كۋرستا وقىپ شىققاننان كەيىن كاسىپكەرلىك نىساندارىنا بۋحگالتەرلىك جانە سالىق ەسەپتىلىگىن جۇرگىزۋ بويىنشا قىزمەتتەر كورسەتۋمەن اينالىسىپ كەلەدى. مۇنداي قىزمەتتى جۇزەگە اسىرۋ ءۇشىن نوۋتبۋك قاجەتتىگى بەلگىلى. ونى ساتىپ الۋعا مۇقتاج بولعاندىقتان «دامۋ» قورىنا كومەك كورسەتۋدى سۇراپ, ءوتىنىش ءبىلدىرگەن. – تانىسىم ارقىلى «دامۋ-كومەك» باعدارلاماسى اياسىندا مۇگەدەك كاسىپكەرلەرگە كورسەتىلەتىن كومەك تۋرالى ەستىدىم. سودان كەيىن قوردىڭ ايماقتىق فيليالىنا ءوتىنىش ءبىلدىردىم. ماعان كومەك كورسەتەتىن مەيىرىمدى ادامداردىڭ تابىلاتىندىعىنا سەندىم, دەيدى ول.
سەنىم الدامادى, قىسىلعانعا قولداۋ كورسەتەتىن جاقسى ادامدار تابىلدى. وعان دەمەۋشىلىك كومەكتى مۇناي ونىمدەرىن ۋاقىتشا ساقتاۋ قىزمەتىمەن اينالىساتىن «نۇرلى مۇناي» جشس كورسەتتى. «جاقسىنىڭ جاقسىلىعىن ايت, نۇرى تاسىسىن» دەگەندەي, كومپانيا باسشىلىعىنا «دامۋ» قورى اتىنان ارنايى العىس حات تابىس ەتىلدى.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.